ថៃ៖ កាលពីថ្មីៗនេះ រូបថតស៊ិចស៊ី មួយសន្លឹក របស់តារាសម្តែងស្រី កូនកាត់ថៃ-ឡាវ-អង់គ្លេស  Chompoo Araya ជាមួយនឹងមិត្តប្រុស បានបង្ហោះឡើង នៅក្នុងបណ្តាញសង្គម។

តារាស្រីវ័យ ៣៣ឆ្នាំ រូបនេះ បានធ្វើឲ្យ អ្នកគាំទ្រភ្ញាក់ផ្អើល ជាមួយនឹងរូបថត ស៊ិចស៊ីរបស់នាង ជាមួយនឹងមិត្តប្រុស ឈ្មោះ Not Visaravuth ដែលបាន បង្ហោះក្នុងបណ្តាញអ៊ិនស្តាក្រាម។ បន្ថែមពីនេះទៅទៀត មនុស្សជាច្រើន បានឆ្ងល់ថា តើរូបនេះ ជារូបថត Pre-Wedding  ឬក៏ គ្រាន់តែជា ការថតម៉ូត? ប៉ុន្តែទោះជាយ៉ាងណា វាមិនត្រូវបានបញ្ជាក់ច្បាស់ តាមរយៈនាង Chompoo Araya  និងលោក Not Visaravuth នៅឡើយទេ ថាតើវាជារូបថត Pre-Wedding របស់ពួកគេ ឬយ៉ាងណានោះ។

គួរបញ្ជាក់ផងដែរថា កាលពីប៉ុន្មានខែមុននេះ ស្រីស្អាត Chompoo Araya ក៏បានប្រកាសជាសារធាណៈ ថានាង នឹងរៀបការ ជាមួយនឹង មិត្តប្រុស ក្នុងខែឧសភា ឆាប់ៗនេះ ដោយនឹងធ្វើឡើងចំនួន ២ថ្ងៃ ដែលជាថ្ងៃទីមួយ ជាថ្ងៃភ្ជាប់ពាក្យ និងថ្ងៃទី២ ជាថ្ងៃរៀបការផងដែរ៕  

នាង  Chompoo Araya និងមិត្តប្រុស

ប្រភព  Dara

ដោយ៖ កា

ខ្មែរឡូត