ភ្នំពេញ ៖ អាជីវករផ្សារទួលទំពូងជា ច្រើននាក់ បាននាំគ្នាភ័យស្លន់ស្លោ ខ្លះរហូត រើឥវ៉ាន់ ចេញពីតូប និងខ្លះទៀត កំពុងរើចេញ ដោយសារមាន ករណីផ្ទុះកាប៊ីនភ្លើងដ៏ធំមួយ នៅជាប់ ផ្សារទួលទំពូង ខាងលិច ឈាងខាង ត្បូង កែងផ្លូវលេខ៤៥០ ក្នុងសង្កាត់ ទួលទំពូងទី១ ខណ្ឌចំការមន កាលពីវេលាម៉ោង៣ រសៀលថ្ងៃទី៣ ខែមេសា ឆ្នាំ២០១៥ ។

ករណីនេះ បានធ្វើឱ្យផ្អើលដល់អាជ្ញាធរ និងសមត្ថកិច្ចពន្លត់អគ្គិភ័យរាជធានីភ្នំពេញ រហូតបញ្ជូន រថយន្ដមួយគ្រឿង ប្រុងបាញ់ អន្ដរាគមន៍ ប៉ុន្ដែភ្លើងបាន រលត់ទៅវិញ បន្ទាប់ពីមន្ដ្រី អគ្គិសនី បានចុះទៅបិទ បារ៉ែតភ្លាមៗ ផងដែរ ។

សេចក្ដីរាយការណ៍ពីកន្លែងកើតហេតុបានឱ្យដឹងថា មានផ្សែងហុយចេញពីក្នុង កាប៊ីនយ៉ាងខ្លាំង នៅជាប់ ផ្សារទួលទំពូង ធ្វើឱ្យក្រុមអាជីវករ ដែលកំពុងលក់ដូរ ជាពិសេសអាជីវករ លក់កាបូប នៅក្បែរកាប៊ីន ភ្លើងនោះ បាននាំ គ្នារត់ឆ្លេរឆ្លា រើឥវ៉ាន់ ចេញពីតូបទៀត ។

យ៉ាងណាក៏ដោយ ស្ថានភាពបានគ្រប់គ្រងទាំងស្រុង មិនធ្វើមានការឆេះរីករាលដល់ តូបអាជីវករនោះទេ។

ផ្តល់សិទ្ធដោយ ដើមអម្ពិល