ខេត្តកំពង់ឆ្នាំង ៖ កាលពីរសៀលថ្ងៃទី០១ មេសា ២០១៥ សាលាដំបូងខេត្តកំពង់ឆ្នាំង បានសម្រេចឃុំខ្លួន ជនសង្ស័យម្នាក់ដាក់ពន្ធនាគារ ព្រោះតែជននោះជាកូនអកត្តញ្ញូដោយសារតែខឹងមិនទិញម៉ូតូ ឱ្យបានចាប់ម្តាយវាយ ហើយត្រូវសមត្ថកិច្ចឃាត់ខ្លួនកាលពីព្រឹកថ្ងៃទី៣១ មីនា ២០១៥ ស្ថិតនៅភូមិស្រែព្រៃ ឃុំអូរប្ញស្សី ស្រុកកំពង់ត្រឡាច ។

ប្រភពបានឱ្យដឹងថា ជនសង្ស័យឈ្មោះកែ ម៉ាត់លី អាយុ២០ឆ្នាំ មានម្តាយឈ្មោះកែ ជះ អាយុ៤៧ឆ្នាំ មានទីលំនៅភូមិ-ឃុំកើតហេតុ ខាងលើ ។

ប្រភពបន្តថា នៅមុនពេលកើតហេតុ ជននេះបានច្រណែននិងម្តាយថា បានទិញម៉ូតូឱ្យបងៗជិះ តែខ្លួន វិញទោះបីខំ សុំយ៉ាងណា ក៏មិនទិញ ឱ្យ ។ លើសពីនេះទៀត ជននេះខឹងម្តាយ បានចែកឱ្យកូន បងគោ១នឹម និងប្រាក់ម្នាក់ ២ពាន់ដុល្លារទៀត ដោយសារតែ កំពុងតូចចិត្ត ស្រាប់ផង ដល់ឮ ពាក្យថា បងបានទទួល កេរ្តិ៍ថែមទៀត រឹតតែខឹងនឹងម្តាយ ព្រោះខ្លួនបាន ចំណែកតែទ្រង់មាន់១ និងគ្រែកញ្ចាស់១ តែ ប៉ុណ្ណោះ ទើបនៅថ្ងៃ កើតហេតុ កូនប្រុសរូបនោះ បានទៅចាប់ម្តាយ វាយ៣-៤ ដៃ នៅឯស្រែក្រោយផ្ទះ កុំតែបានគេ ជួយឃាត់ទាន់ ម្ល៉េះអាចនឹង រងរបួសធ្ងន់។ ក្រោយពេលកើតហេតុ ម្តាយបានមកដាក់ ពាក្យប្តឹងទៅសមត្ថកិច្ច ទើបមានការចាប់ ឃាត់ខ្លួនបែបនេះ ។

ប្រភពបានបន្តទៀតថា ជនរូបនោះធ្លាប់បង្កការអុកឡុកក្នុងក្រុមគ្រួសារបែបនេះជាញឹក ញាប់ណាស់ ពេលខ្លះគំរាម ដុតផ្ទះទៀត ប៉ុន្តែរឿង ទាំងអស់ គឺកើតពីការច្រណែន ចែកទ្រពសម្បត្តិនេះ ៕

ផ្តល់សិទ្ធដោយ កោះសន្តិភាព