រាជធានីភ្នំពេញ៖ បុរសជនជាតិ បរទេសម្នាក់ បានជិះម៉ូតូលឿនពេកហើយ ចាប់ហ្វ្រាំងភ្លាមៗជ្រុល ចង្កូតប៊ិសទៅបុកក្មេង ពាលម្នាក់ដេញវាយ ភ្លាមៗនោះ ជនបរទេសខាងលើខឹង ក៏រត់ទៅផ្ទះនៅជិត នោះយកកាំបិតបុ័ងតោ ដេញកាប់ក្មេងពាលនោះ វិញចំ១កាំបិត ដឹងអីពួកក្រុមក្មេងពាលមានគ្នាច្រើន ក៏ព្រួតគ្នាវាយជនបរទេសខាងលើ បណ្តាលឲ្យដេកដួលក្នុង ថ្លុកឈាមបង្កឲ្យមានការភ្ញាក់ផ្អើល នៅវេលាម៉ោង ៣ទាបភ្លឺ ឈាន ចូលថ្ងៃទី០១ ខែមេសា ឆ្នាំ២០១៥ នៅតាមបណ្ដោយផ្លូវលេខ ៥១ កែងផ្លូវ១៧២ ស្ថិតក្នុងសង្កាត់ផ្សារថ្មី៣ ខណ្ឌដូនពេញ នៅផ្សារសូរិយាម៉ល ។

ក្រោយពេលកើតហេតុ ជនបរទេសនោះពេលដឹង ខ្លួនពីសន្លប់វិញដោយឈាម ស្រោចពេញខ្លួនត្រូវប្រជាពលរដ្ឋ ជួយដឹកយកទៅសង្គ្រោះនៅមន្ទីរពេទ្យ ប៉ុន្តែអ្វីដែលគួរឲ្យហួសចិត្តនោះ គេមិនឃើញមានសមត្ថកិច្ច ម្នាក់ណាចុះអន្តរាគមន៍នោះទេ ហើយជាញយដងនៅម្តុំផ្សារសូរិយ៉ាម៉លនេះតែងតែមានពួកក្រុមក្មេង ពាលបង្កភាពឥតសណ្តាប់ ធ្នាប់ជារៀងរាល់ថ្ងៃ តែអាជ្ញារធរមានសមត្ថកិច្ច ហាក់គ្មានវិធានការនោះទេ ៕

ផ្តល់សិទ្ធដោយ កោះសន្តិភាព