រាជធានីភ្នំពេញ៖ ចោរប្រដាប់អាវុធ៦នាក់ បានធ្វើសកម្មភាព ភ្ជង់ប្លន់យកម៉ូតូហុង ដាឌ្រឹមសេ១២៥មួយគ្រឿង ពីបុរសម្នាក់កំពុងជិះ ដឹកនារីម្នាក់ជាសង្សា នៅចំណុចផ្លូវឌួងងៀប ស្ថិតក្នុងសង្កាត់ទឹកថ្លា ខណ្ឌសែនសុខ កាលពីវេលាម៉ោង ១២នឹង៥០នាទី រំលងអាធ្រាត ឈានចូលថ្ងៃទី៣១ ខែមីនា ឆ្នាំ២០១៥ រួចគេចខ្លួនបាត់ ដោយសុវត្ថិភាព។ 

ជនរងគ្រោះជាម្ចាស់ម៉ូតូមានឈ្មោះ ធឿនសុភ័ក អាយុ ២៥ ឆ្នាំ បាននិយាយរៀបរាប់ថា មុនពេលកើតហេតុរួបគេបានជិះដឹងមិត្ត ភក្រ័ម្នាក់ទៅឡើងយន្តហោះនៅប្រលានយន្តហោះអន្តរជាតិភ្នំពេញ បន្ទាប់ពីជូនមិត្តភក្តិរួច ខ្លួនក៏បានដឹកនារីជាសង្សា

ដើរលេងដោយជិះម៉ូតូមួយ គ្រឿងម៉ាកហុងដាឌ្រឹមសេ១២៥ ពណ៌ខ្មៅ ស៊េរីឆ្នាំ២០១៤ ហើយបានធ្វើដំណើរតាម បណ្តោយផ្លូវឌួងងៀប ក្នុងទិសដៅពីជើងទៅត្បូង ខណៈពេលជិះមកដល់ ចំណុចកើតហេតុជាផ្លូវងងឹត ហើយនិងស្ងាត់ទៀតនោះ ស្រាប់តែលេចមុខជន សង្ស័យ ៦នាក់ ជិះម៉ូតូ២គ្រឿងមិនស្គាល់ម៉ាក និងប្រដាប់ដោយកាំភ្លើងខ្លីមួយដើម បានជិះមកព្យាយាមស្ទាក់ម៉ូតូ ជនរងគ្រោះតែគេមិនព្រមឈប់ ហើយបានដកកាំភ្លើងភ្ជង់ និងវាយជនរងគ្រោះ ។

ហើយនិយាយថាបើ ហ្អែងមិនព្រមឈប់ម៉ូតូទេនោះ អញ និងបាញ់សម្លាប់ចោលភ្លាម ដោយមានការ ភិតភ័យពេកជនរងគ្រោះក៏ ឈប់ម៉ូតូប្រគល់ឲ្យទៅក្រុមចោរ ជិះគេចខ្លួនបាត់ស្រមោល ភ្លាមពីកន្លែងកើតហេតុតែម្តង។ បន្ទាប់ពីកើតហេតុជនរង គ្រោះក៏បានព្យាយាមកពីកន្លែង កើតហេតុមកដល់ចំណុចស្តុប ផ្សាររតនាផ្លាហ្សា ក៏សុំឲ្យប្រជាពលរដ្ឋក្បែរនោះ ជួយនាំខ្លួនទៅ ប្តឹងសមត្ថកិច្ចផង ដោយខ្លួនមិនស្គាល់៕

ផ្តល់សិទ្ធដោយ កោះសន្តិភាព