វីដេអូគម្រោងចែកចាយអ៊ីនធឺណិតតាមបាឡុងរបស់ Google ពិតជាអស្ចារ្យ

វីដេអូគម្រោងចែកចាយអ៊ីនធឺណិតតាមបាឡុងរបស់ Google ពិតជាអស្ចារ្យ

តើមហិច្ឆតាចែកចាយអ៊ីនធឺណិតតាមបាឡុងរបស់ Google ជិតសម្រេចហើយមែនឬទេ? នៅសប្ដាហ៍នេះ Google បានដំណើរការគម្រោង Project Loon ដោយចាប់ផ្ដើមចុះកិច្ចព្រមព្រៀងជាមួយក្រុមហ៊ុនផ្ដល់សេវាកម្មអ៊ីនធឺណិតតាមតំបន់ដែលបាឡុងរបស់ខ្លួនហោះទៅដល់ ដើម្បីផ្ដល់ការចែកចាយអ៊ីនធឺណិតតាមបាឡង់ មានរយៈកម្ពស់ពីផែនដី ២០ម៉ាយល៍ ឬ ៣២គីឡូម៉ែត្រពីផ្ទៃផែនដី។

ក្រុមហ៊ុនស្វែងរុករកដ៏ធំនេះ បានបញ្ចេញគំនិតបង្កើតថ្មីគម្រោង Google Loon តាំងពីខែមិថុនា ឆ្នាំមុនម៉េ្លះ ដែលគម្រោងនឹងអាចផ្ដល់ការភ្ជាប់ប្រើអ៊ីនធឺណិត កាន់តែធំទូលាយនៅតាមតំបន់ជនបទ ដោយយកបាឡុងនៅក្នុងលំហជាស្ថានីយចែកចាយ ពុំចាំបាច់ដំឡើងស្ថានីយអស់ទាំងថ្លៃខ្សែកាបនៅតាមតំបន់ទាំងនោះឡើយ។ Google នឹងប្រើបាឡុងចែកចាយអ៊ីនធឺណិតពីទីខ្ពស់ដែលស្ថិតក្នុងស្រទាប់ statosphere។

បាឡុងនីមួយៗ អាចហោះបានកម្ពស់ប្រហែល ៣២គីឡូម៉ែត្រពីផ្ទៃដី និង អាចភ្ជាប់អ៊ីនធឺណិតក្នុងកម្រិតល្បឿនប្រហាក់ប្រហែលនឹង 3G។ ធ្វើដូចនេះ ក្នុងគោលបំណងចង់ពង្រីកវិសាលភាព ចែកចាយអ៊ីនធឺណិតទៅកាន់មនុស្សម្នា ដែលរស់នៅតំបន់ដាច់ស្រយាលអាចប្រើប្រាស់បាន។ មិនតែប៉ុណ្ណោះ ក៏អាចកាត់បន្ថយខ្ទង់ចំណាយជាច្រើនជាក់ស្ដែង មិនចាំបាច់ប្រើខ្សែ fiber ដែលមានតម្លៃថ្លៃ។ ផ្ដល់ឱកាសដល់បណ្ដាប្រទេសកំពុងអភិវឌ្ឍដូចជា អាហ្វ្រិក និងអាស៊ីអាគ្នេយ៍ ដែលមិនអាចលាតសន្ធឹងខ្សែ fiber បាននោះ ក៏អាចប្រើអ៊ីនធឺណិតតាមរយៈគម្រោង Google Loon នេះបានផងដែរ៕

សូមទស្សនាវីដេអូខាងក្រោម៖