ខេត្តកំពង់ឆ្នាំង ៖ អ្នកដំណើរលើរថយន្តក្រុងមួយបានព្រលឹងចុងសក់ ខណៈដែលរថយន្តកំពុងធ្វើដំណើរ បានដាច់ កាឡេបុកដី បណ្តាលឱ្យ រថយន្ត បោកធ្លាក់មួយ កំណាត់ខ្លួនចេញ ពីថ្នល់ជាតិ ដែលហេតុការណ៍នេះ កើតឡើងកាលពី នៅវេលាម៉ោង ៤ និង៣០នាទីល្ងាច ថ្ងៃទី២២ មីនា ២០១៥ ស្ថិតនៅលើ កំណាត់ផ្លូវជាតិលេខ៥ ក្នុងចន្លោះគីឡូម៉ែត្រ លេខ១១៣ និង១១៤ ក្នុងភូមិថ្មី ឃុំផ្សារ ស្រុកបរិបូរណ៍ ។

ប្រភពបានឱ្យដឹងថា  មុនពេលកើតហេតុ គេឃើញរថយន្តក្រុងខាងលើមានដឹកអ្នកដំណើរពីខេត្តបាត់ ដំបង ទៅរាជធានីភ្នំពេញ តែពេល មកដល់ចំណុច កើតហេតុ ស្រាប់តែរថយន្ត ដាច់កាឡេ (ខ្លះហៅក្បាលខ្មោច) បណ្តាល ឱ្យរថយន្ត រត់ខុសផ្លូវធ្លាក់ចេញ ពីថ្នល់ជាតិមួយ កំណាត់ខ្លួន ទៅក្រោមថ្នល់ មួយកំណាត់គង ជាប់ថ្នល់ជាតិ ។ នៅក្នុងហេតុការណ៍ នោះ សំណាងល្អពុំមាន អ្នកណារងរបួសទេ ប៉ុន្តែអ្នកជិះ ក្នុងរថយន្តទាំងអស់ សុទ្ធតែនិយាយ ដូចគ្នាថា ភ័យលស់ព្រលឹង ចុងសក់ ខ្លះចង់ខ្យល់ចាប់ ព្រោះតែភ័យពេក ។ ក្រោយពេលកើត ហេតុអ្នក ដំណើរត្រូវបានសាង រថយន្តផ្សេងទៀត ដើម្បីបន្តដំណើរទៅ ដល់គោលដៅ  ។

ប្រភពបន្តថា អ្នកធ្វើដំណើរលើរថយន្តក្រុងខាងលើបានស្តីបន្ទោសថា មិនបានត្រួតពិនិត្យរថយន្តឱ្យបាន ត្រឹមត្រូវទេ មុនពេល ចេញដំណើរ សំណាងហើយ គ្មានគ្រោះថ្នាក់ ដល់មនុស្ស បើធ្ងន់ជាងនេះ ប៉ះពាល់ដល់មនុស្ស តើអ្នកណា ជាអ្នកទទួលខុសត្រូវ មិនមែនជីវិត ដាក់លក់ តាមទៅផ្សារឡើយ ។ ក្នុងករណីខាងលើនេះ គេមិនបានឃើញ មន្ត្រីនគរបាលខេត្ត នាំរថយន្តខាងលើ មកពិន័យ ឬធ្វើការអប់រំទេ ៕

ផ្តល់សិទ្ធដោយ កោះសន្តិភាព