ភ្នំពេញ៖ កីឡា ប៉េតង់ គឺជាកីឡា មួយប្រភេទ ដែលទទួលបានជោគជ័យ ជាងគេបំផុត សម្រាប់កម្ពុជា ខណៈដែល កម្ពុជា ធ្លាប់បាន ទទួលពានមេដាយ ពិភពលោក កាលពីឆ្នាំ ២០១៣ នៅប្រទេសបារាំង តែមាន ប្រជាពលរដ្ឋខ្មែរ មួយចំនួនប៉ុណ្ណោះ ដែលធ្លាប់ដឹង ពី ព្រឹត្ដិការណ៍មួយនេះ។ 

ព្រឹត្ដិការណ៍ នៅប្រទេសបារាំង 

ជាមួយគ្នានេះដែរ កាលពីឆ្នាំ ២០១៤ ការប្រកួតកីឡា ប៉េតង់ ជើងឯក អាស៊ីអាគ្នេយ៍ ជាលើកទី មួយ ធ្លាប់បាន ធ្វើឡើង នៅឯ ប្រទេសឡាវ ដែលលទ្ធផល កម្ពុជា ជាប់ចំណាត់ ថ្នាក់ លេខ ១ ដែលទទួល បានមេដាយ មាស ចំនួន ៣,មេដាយ ប្រាក់ចំនួន ០៦ និង មេដាយ សំរិទ្ធិចំនួន ០១។ ទាំងនេះ គឺជាមោទនភាព ជាតិ ដែលកម្ពុជា អាចយកឈ្នះ ការប្រកួតនេះ ជាច្រើន វិញ្ញាសារ ជាមួយនឹង ប្រទេសដទៃទៀត។

រូបភាព ពេលប្រកួតលើកទី មួយ ក្នុងប្រទេសឡាវ 

យ៉ាងណាមិញ ការជ្រើសរើស ជើងឯក អាស៊ីអាគ្នេយ៍ ជាលើកទី ២ ឆ្នាំ ២០១៥ នេះនឹងប្រារព្ធ ឡើង នៅក្នុង កម្ពុជា វិញម្ដង នាថ្ងៃទី ០២ ,០៣, ០៤ និង០៥ ខែ មេសា ខាងមុខនេះ នៅឯ ពហុកីឡដ្ឋាន ជាតិអូឡាំពិក។ ចំពោះការប្រកួត ជាលើកទី២នេះ មានការចូលរួមពី បណ្ដាប្រទេស ចំនួន ៧  និងមានការ ផ្សាយ បន្ដផ្ទាល់ ពីស្ថានីយ៍ ទូរទស្សន៍ ប៉ុស្ដន៍អប្សរា ផងដែរ។

ខ្មែរឡូត នឹងសង្ឃឹមថា កម្ពុជា នៅតែ ឈរលំដាប់ថ្នាក់ លេខមួយ ដូចជា ការប្រកួត លើកដំបូង ចុះប្រិយមិត្ដ បងប្អូន ប្រជាពលរដ្ឋខ្មែរ យល់យ៉ាងណា ដែរ សម្រាប់ការ ប្រកួតលើកទី ២ នេះ តើកម្ពុជា អាចរក្សា ចំណាត់ថ្នាក់ លេខ ១ ដែរឬទេ?

ក្នុងរយៈពេល ៤ថ្ងៃនេះ នៅឯ ពហុកីឡដ្ឋាន ជាតិអូឡាំពិក ក៏មានការតាំង ស្ដង់ ជាច្រើន សម្រាប់លក់ ផលិផលផ្សេងៗ ដែលប្រិយមិត្ដ ក៏ដូចជា បងប្អូនណា ចាប់អារម្មណ៍ អាចសាកសួរ ព័ត៌មាន និងទាក់ ទងបាន តាមលេខទូរស័ព្ទ 017 68 57 46  

ដោយ៖ ម៉ា

ខ្មែរឡូត