រាជធានីភ្នំពេញ៖ បុរសម្នាក់រួមជាមួយស្ត្រី ម្នាក់ទៀតបានចេញពីញ៉ាំការគេ បើករថយន្តហាយឡែន ឌ័រក្នុងល្បឿនលឿន ក៏វ៉ាក់ទៅបុកជាមួយរថយន្តកាមរីបាឡែន ១គ្រឿងទៀតកំពុងបើកចេញ ពីផ្លូវផ្សេងទៀតត្រង់ ចំណុចបែកជា៤ ។ ប៉ុន្តែរថយន្តបង្កមិនព្រមឈប់ ធ្វើការដោះស្រាយនោះទេ បែរជាព្យាយាមបើករត់ ទៅប៉ះរថយន្តកាមរី ឆ្លាមមួយគ្រឿង ដែលកំពុងចតចោលលើចិញ្ចើមផ្លូវ បណ្តាលឲ្យរថយន្តកាមរី បាឡែនខ្ទេចមួយកំណាត់ ក្រោយស្ទើរទាំងស្រុង។ចំណែករថយន្តហាយឡែនឌ័រ ខ្ទេចមួយកំណាត់មុខ រីឯរថយន្ត កាមរីឆ្លាមគ្រាន់តែរងការខូចខាត់តិចតួច។

ហេតុការណ៍នេះបាន កើតឡើងកាលវេលាម៉ោង ៩និង១០នាទីយប់ ថ្ងៃទី២៣ ខែមីនា ឆ្នាំ២០១៥ ស្ថិតតាមបណ្តោយផ្លូវ ១០១១កែងផ្លូវ ១០៦៦ ក្នុងភូមិពោងពាយ សង្កាត់ភ្នំពេញថ្មី ខណ្ឌសែនសុខ ។

ក្រោយកើតហេតុម្ចាស់ រថយន្តហាយឡែនឌ័របាន ចេញថ្លៃខូចខាតឲ្យរថយន្ត កាមរីបាឡែនចំនួន៩០០ ដុល្លា ចំណែករថយន្តកាមរី ឆ្លាមសង ៣០ដុល្លា ដើម្បីបញ្ចប់រឿង ៕

ផ្តល់សិទ្ធដោយ កោះសន្តិភាព