កូរ៉េខាងត្បូង៖ បន្ទាប់ពីមាន ពាក្យចចាអារ៉ាម ថ្មីៗនេះ រវាងសម្ព័ន្ធភាព រវាងតារាសម្តែង ដ៏ល្បីល្បាញ លោក Lee Minho និងសមាជិក នៃក្រុមចម្រៀង MissA នាង Suzy ឥឡូវនេះ ផលិតកម្មរបស់ពួកគេទាំងពីរ បានចេញមុខអះអាង ទទួលស្គាល់ការពិតហើយ។

កាលពីថ្ងៃទី ២៣ ខែមិនា ឆ្នាំ២០១៥នេះ ផលិតកម្ម JYP Entertainment បានចេញ សេចក្តីថ្លែងការណ៍មួយថា "នាង Suzy និងលោក Lee Minho កំពុងស្វែងយល់ចិត្តគ្នា បានរយៈពេល ១ខែមកហើយ។ ពួកគេបានធ្វើដំណើរ ទៅកាន់ទីក្រុងឡុងដ៍ និងប៉ារីស សំរាប់កាលវិភាគ ការងារ រួចហើយពួកគេ បានចំណាយពេលវេលាជាមួយគ្នា ជាច្រើន"។ ស្រដៀងគ្នានេះដែរ ភ្នាក់ងារផលិតកម្ម StarHaus របស់លោក Lee Minho ក៏បានចេញ សេចក្តីថ្លែងការណ៍ ដែលថា "ថ្ងៃនេះ យើងចង់ឆ្លើយតប ទៅនឹងប្រភពព័ត៌មាន ផ្សេងៗ ដែលលោក Lee Minho និងនាង Suzy កំពុងស្វែងយល់ចិត្តគ្នា រយៈពេល១ខែមកហើយ យ៉ាងពិតប្រាកដ ហើយបច្ចុប្បន្ននេះ ពួកគេ គឺនៅក្នុងដំណាក់កាល ស្វែងយល់គ្នា យ៉ាងប្រុងប្រយ័ត្ន ទៅវិញទៅមក ចំពោះអារម្មណ៍ និងអត្តចរិតរៀងៗខ្លួន។ ពួកយើងសង្ឃឹមថា នឹងមាន ព័ត៌មានល្អ ជាងនេះទៀត នៅពេលក្រោយ"។

គួររំលឹកផងដែរថា តារាសម្តែង ក្នុងរឿងភាគកូរ៉េ The Heirs លោក Lee Minho បានទទួលភាពល្បីល្បាញខ្លាំង បន្ទាប់ ពីសម្តែង ជាតួឯកប្រុស ក្នុងរឿង Boys Over Flowers (រឿង F4 កូរ៉េ) ហើយត្រូវបានគេ ដាក់ងារថាជាប្រុសស្អាត ផងដែរ (Flower boy)។ ចំនែកនាង Suzy គឺជាសមាជិកដែលមានឥទ្ធិពល ក្នុងក្រុមចម្រៀង ស្រី MissA ដ៏ល្បីល្បាញមួយ របស់កូរ៉េខាងត្បូងផងដែរ៕

លោក Lee Minho

នាង Suzy

Lee Minho និង Suzy នៅក្នុងរថយន្តជាមួយគ្នា

រូបថត Lee Minho និង Suzy ត្រូវគេថតបាននៅទីសាធារណៈ

ប្រភព Koreaboo

ដោយ Luhan

ខ្មែរឡូត