ខេត្តកំពង់ស្ពឺ៖ បុរសមិនស្គាល់អត្តសញ្ញាណ ម្នាក់ត្រូវបានប្រជាពលរដ្ឋប្រទះ ឃើញដេកស្លាប់បង្កអោយ មានការភ្ញាក់ផ្អើលប្តឹង ទៅសមត្ថកិច្ចចុះទៅពិនិត្យ ។ ករណីប្រទះឃើញសពនេះ កាលវេលាម៉ោង០៣និង ២០នាទីថ្ងៃល្ងាច ថ្ងៃទី២២ ខែមីនា ឆ្នាំ២០១៥ នៅបណ្តោយផ្លូវ ពីឃុំដំបូក រូងទៅឃុំជាំសង្កែ ចំណុចអូរថ្មកំបោរ ឃុំដំបូករូង ស្រុកភ្នំស្រួច ខេត្តកំពង់ស្ពឺ ។

ជនរងគ្រោះនៅមិន ទាន់ស្គាល់អត្តសញ្ញាណនៅឡើយ សពជនរងគ្រោះស្លៀកខោ ខូវប៊ូយពាក់អាវយឺតខ្មៅ ។

តាមប្រភពពីប្រជាពលរដ្ឋ ដែលប្រទះឃើញសពបានឲ្យដឹងថា គាត់បានធ្វើដំណើរតាមផ្លូវខាងលើ ស្រាប់តែបានប្រទះឃើញ បុរសម្នាក់ដេកនៅក្នុងអូរពេលចូល ទៅមើលក្បែរទើបដឹងថាស្លាប់ ។ ប្រភពបន្តថាក្រោយពីប្រទះឃើញ ក៏បានរាយការណ៍ឲ្យសមត្ថកិច្ច ចុះមកពិនិត្យ ។

ផ្តល់សិទ្ធដោយ កោះសន្តិភាព