តាមឲ្យកៀកបានដឹងថា តារាល្បីៗ៥ដួង ទទួលតំណែងធំបុកគ្នា

តាមឲ្យកៀកបានដឹងថា តារាល្បីៗ៥ដួង ទទួលតំណែងធំបុកគ្នា

មិនចាប់អារម្មណ៍មិនដឹងមែន…តាមពិតសិល្បករ សិល្បការិនីល្បីៗ ៥ដួង មានលោក ព្រាប សុវត្ថិ លោក ខេមរៈ សិរីមន្ត កញ្ញា ឱក សុគន្ធកញ្ញា សុគន្ធ និសា និងកញ្ញា មាស សុខសោភា ទទួលតំណែងធំ “ឯកអគ្គរាជទូតសុច្ឆ័ន្ទៈ” ផ្សព្វផ្សាយផលិតឲ្យក្រុមហ៊ុនធំៗរៀងខ្លួន។ តើពួកគេ នរណាតំណាងឲ្យក្រុមហ៊ុនអ្វីខ្លះទៅ។

១.លោក ព្រាប សុវត្ថិ ៖ តារាចម្រៀងខ្មែរដែលទើបត្រូវជ្រើសរើសបញ្ចូលបញ្ជីតារាចម្រៀងលំដាប់ពិភពលោកនេះ ត្រូវបានគេតែងតាំងជាអគ្គរាជទូតសុច្ឆន្ទៈរបស់ក្រុមហ៊ុនស្រាបៀអង្គរ។ អាណត្តិរបស់លោកមានរយៈពេល ៣ឆ្នាំ ពីឆ្នាំ ២០១៣ ដល់ ២០១៥ ដោយបានចុះកិច្ចសន្យាផ្លូវការកាលពីថ្ងៃទី ១៦ ឧសភា ២០១៣៕

២.លោក ខេមរៈ សិរីមន្ត៖ តារាលេខ១របស់សាន់ដេ រូបនេះ ក៏មិនណយដែរ លោក ទើបត្រូវគេទម្លាយឲ្យដឹងថ្មីៗនេះថា លោក គឺជាអគ្គរាជទូតតំណាងឲ្យក្រុមហ៊ុនសេវាទូរសព្ទចល័ត Smart។ យ៉ាងណាក៏ដោយមិនមានព័ត៌មានថា អាណត្តិរបស់លោកមានរយៈពេលប៉ុន្មានឆ្នាំនោះទេ៕

៣.កញ្ញា ឱក សុគន្ធកញ្ញា ៖ តារាម្នាក់នេះ គឺជាតារាស្រីលេខ១ប្រចាំផលិតកម្មហង្សមាស។ សុគន្ធកញ្ញា បានហក់មកកាន់តំណែង អគ្គរាជទូតសុច្ឆន្ទៈជែងគ្នាជាមួយកញ្ញា សុគន្ធ និសា ឲ្យក្រុមហ៊ុន Samsung។ ប៉ុន្តែ សុគន្ធកញ្ញា តំណាងផលិតផល Samsung ផ្នែកទូរសព្ទចល័ត៕

៤.កញ្ញា សុគន្ធ និសា ៖ តារាចម្រៀងផលិតកម្មថោនរូបនេះ បានទទួលតំណែងដ៏មានកិត្តិយសខាងលើ មុនកញ្ញា សុគន្ធកញ្ញា ទៅទៀត។ ប៉ុន្តែយ៉ាងណា កញ្ញាតំណាងឲ្យផលិតផល Samsung តែផ្នែកគ្រឿងអេឡិចត្រូនិក ទូរទស្សន៍ និងទូរទឹកកកជាដើមប៉ុណ្ណោះ៕

៥.កញ្ញា មាស សុខសោភា ៖ ម្ចាស់បទ “១០០០រាត្រី” រូបនេះ គឺជាកូនពៅគេក្នុងតំណែង អគ្គរាជទូតសុច្ឆន្ទៈ ក្រោយកញ្ញា ត្រូវគេប្រគល់តំណែងនេះកាលពីខែមីនាកន្លងទៅ តំណាងឲ្យផលិតផលទូរសព្ទចល័ត Huawei ។ តាមកិច្ចព្រមព្រៀង កញ្ញា នឹងកាន់តំណែងនេះ ពេញរយៈពេល១ឆ្នាំ៕

By Sabay

មុន បន្ទាប់

មតិយោបល់