រាជធានីភ្នំពេញ ៖ បុរសម្នាក់មកពីជប់លៀងក្នុងស្ថានភាពស្រវឹងស្រាជិះម៉ូតូទៅបុក ម៉ូតូគូសង្សារមួយគូ ផ្លោងទៅបោកផ្ទប់ នឹងហាងគុយទាវ ព្រឹកថ្មីល្ងាច ស្រស់បណ្តាលឲ្យ ស្ត្រីម្នាក់បាក់ជើង និងអ្នកបង្កបែក ក្តោងច្រមុះ ។ ហេតុការណ៍នេះបាន កើតឡើងកាល ពីវេលាម៉ោង១០ និង ៤០នាទីយប់ ថ្ងៃទី១៨ មីនា នៅចំណុចផ្លូវលេខ៣១០កែង១៤៣ សង្កាត់បឹងកេងកងទី៣ ខណ្ឌចំការមន ។

សាច់ញាតិរបស់អ្នកជិះម៉ូតូ CBR បានអះអាងថា តាមកាមេរ៉ាសុវត្ថិភាពរបស់ហាងគុយទាវព្រឹកថ្មី ល្ងាច ស្រស់ បានឲ្យដឹងថា ម៉ូតូស្គូពី ពណ៌ ផ្កាឈូក 1CH 9428 ជាអ្នកបង្កបើកបរ ដោយបុរសម្នាក់តាម ផ្លូវលេខ៣១០ ពីកើតទៅលិចក្នុង ស្ថានភាពស្រវឹងទើប នឹងចេញពីជប់លៀង ចំណែកម៉ូតូ CBR ពណ៌ស ពាក់ស្លាកលេខ ភ្នំពេញ 1CL 6254 ជិះគ្នា២នាក់គូសង្សារ ទើបនឹងចេញពីផ្ទះ បាន១០០ម៉ែត្រ គោលបំណងដឹក សង្សារទៅញ៉ាំ បាយឆានៅ ម្តុំគិរីរម្យ តាមផ្លូវលេខ១៤៣ ពីត្បូងទៅជើង មកដល់ចំណុច ខាងលើម៉ូតូស្គូពី ជិះលឿនធ្វើឲ្យម៉ូតូ CBR ខំប្រឹងគេច តែគេចអត់ផុតក៏ ត្រូវម៉ូតូស្គូពីបុកផ្លោង ទៅបោកនឹងទ្វារ ហាងគុយទាវ ព្រឹកថ្មី ល្ងាចស្រស់ឡើង ផុតទ្វាររូតសង្ក័សី ចំណែកនារីជាសង្សារ បាក់ ជើងខាងឆ្វេង ចំណែកអ្នកបើក ម៉ូតូរបួសស្រាល រីឯអ្នកបើកម៉ូតូ បង្កបែកក្តោងច្រមុះ ។

ក្រោយពេលកើតហេតុអ្នករងរបួសត្រូវរថយន្តសង្គ្រោះដឹកយកទៅ ព្យាបាលនៅគ្លីនិកឯកជន ចំណែក ម៉ូតូទាំងពីរគ្រឿង ត្រូវសមត្ថកិច្ច យក ទៅរក្សាទុកនៅ អធិការដ្ឋាន ខណ្ឌចំការមន រង់ចាំធ្វើការដោះស្រាយបន្តទៀត ៕

ផ្តល់សិទ្ធដោយ កោះសន្តិភាព