កូរ៉េខាងត្បូង៖ ស្រីស្អាត HyunA ជាប្រធានក្រុមចម្រៀង 4minutes ត្រូវបានលេចពាក្យចចាមអារ៉ាម ជាច្រើន ដែលថានាងបានកែ សម្ផស្ស។

ចំពោះរូបភាពជាច្រើន កាលពីមុន របស់ HyunA  ត្រូវបានលាតត្រដាងឡើង ដែលខុសគ្នា ជាមួយនឹងរូប បច្ចុប្បន្នយ៉ាងខ្លាំង។ ចំនុចនេះហើយ បានក្លាយ ជាប្រធានបទ ដ៏ក្តៅគគុកមួយ ក្នុងអនឡាញ ដែលមនុស្សជាច្រើន បានលើកមកនិយាយ ដោយអ្នកខ្លះ បានអះអាងថា HyunA បានទៅកែ សម្ផស្ស ព្រោះសម្អាងលើ រូបថតពីមុនៗរបស់នាង។ ប៉ុន្តែសម្រាប់អ្នកគាំទ្ររបស់នាងវិញ បាននិយាយប្រកែក និងប្រញាប់ចេញមុខ ការពារនាងភ្លាមៗ ដោយបាននិយាយថា នាងមិនបាន ទៅកែសម្ផស្សអ្វីនោះទេ ដោយសារតែ ការស្រកទម្ងន់ និងការតុបតែងមុខ ទើបធ្វើឲ្យ កែប្រែ ផ្ទៃមុខរបស់នាងយ៉ាងដូច្នោះ។

ប៉ុន្តែទោះជាយ៉ាងណាក៏ដោយ ក៏នាង HyunA  បានបដិសេធ ក្នុងរឿងនេះដែរថា នាងមិនបាន ទៅកែ សម្ផស្សនោះទេ អ្វីគ្រប់យ៉ាងលើខ្លួន របស់ នាង ធម្មជាតិទាំងអស់។ ហើយក្នុងនោះដែរ នាងក៏បាន និយាយបន្ថែមថា "ពួកយើងជា ក្រុមចម្រៀង 4minutes ដែលគ្រប់គ្នា បានស្គាល់ គឺមិនបាន កែសម្ផស្សនោះទេ"។

យ៉ាងណាមិញ  ចំពោះចំនុចនេះ វាមិនទាន់មានភស្តុតាងជាក់លាក់នោះទេ ក្នុងការអះអាងថានាង បានកែសម្ផស្សមែន រឺមិនមែន។ ដូច្នេះ មានតែ ប្រិយមិត្តនោះទេ ជាអ្នកវិនិច្ឆ័យដោយខ្លួនឯង ថាតើនាងបានពិតជាកែសម្ផស្ស រឺក៏យ៉ាងណា ដោយតាមរយៈ មើលរូបថតកាល ពីមុនរបស់នាង នៅខាងក្រោម៖

រូបថតខាងឆ្វេងជា រូបពីមុន និងរូបថតខាងស្តាំ ជារូបបច្ចុប្បន្ន

ប្រភព Lollipop

ដោយ៖ កា

ខ្មែរឡូត