ភ្នំពេញ៖ អតីតតារាសម្តែងធ្លាប់មានឈ្មោះបោះសំឡេង លោក ស៊ុក សុភា បានរំលេចការរៀបចំ កម្មវិធីខួបកំណើតឲ្យភរិយា និងកូនស្រី បណ្តូល ចិត្ត របស់លោក នៅក្នុងថ្ងៃតែមួយ ដោយបង្ហាញ ពីស្នេហា ផ្អែមល្ហែមសុភមង្គល ក្នុងគ្រួសារបង្អួត Fan ក្នុង Facebook ។

ចាប់តាំងពីអតីតតារាប្រុសលោក ស៊ុក សុភា បានរៀបការសាងគ្រួសារ ជាមួយភរិយាដែល ជាអាណិកជន ខ្មែរ រស់នៅអូស្ត្រាលីរួចមក គេសង្កេត ឃើញថា គូស្វាមីភរិយាមួយគូនេះ បានបង្ហាញកាយវិការ ផ្អែមល្ហែម រួមរស់ជាមួយគ្នា យ៉ាងមានក្តីសុខសុភមង្គល ។ ជារឿយៗ ពួកគេតែង តែរំលេច រូបផ្អែមល្ហែម ជាមួយគ្នានៅលើ Facebook មិនដែលដាច់ឡើយ ។

ជាក់ស្តែងដូចពេលនេះបុរសសង្ហារូបនេះ បានរំលេចការរៀបចំ កម្មវិធីជប់លៀងខួបកំណើត ឲ្យភរិយាជាទីស្រលាញ់និងកូនស្រី Zuzanna ក្នុងថ្ងៃតែមួយ ដោយសារតែភរិយារបស់ លោកកើតថ្ងៃ១៥ ខែមីនា ហើយចំណែក កូនស្រីសំណព្វចិត្ត កើតថ្ងៃ១៧ ខែមីនា ខុសគ្នាតែឆ្នាំ ប៉ុណ្ណោះ ៕

ផ្តល់សិទ្ធដោយ ដើមអម្ពិល