រាជធានីភ្នំពេញ៖ បុរសម្នាក់បានស្លាប់ ក្រោយពីជិះម៉ូតូវ៉ារថយន្តជ្រុល ទាក់ដៃចង្កូតជាមួយរនាំងដែក បណ្តាលឲ្យដួល ខ្ទាតចូលក្រោមរថយន្ត កិនចំពីលើតែម្តង កាលវេលាម៉ោង ១០និង៣០នាទីយប់ ថ្ងៃទី១៥ ខែមិនា ឆ្នាំ២០១៥ ស្ថិតតាមបណ្តោយ មហាវិថីព្រះមុនីវង្ស ក្នុងសង្កាត់ផ្សារថ្មី២ ខណ្ឌដូនពេញ ។

តាមសេចក្តីរាយការណ៍ របស់ភ្នាក់ងារកោះសន្តិភាពបាន ឲ្យដឹងថាមុនពេលកើតហេតុ បុរសរងគ្រោះបានជិះម៉ូតូ ម៉ាកហុងដា សេ១២៥ ពណ៌ខ្មៅ ធ្វើដំណើរតាមបណ្តោយ មហាវិថីព្រះមុនីវង្ស ក្នុងទិសដៅពីត្បូងទៅជើង ។ ខណៈទៅដល់ចំណុច កើតហេតុខាងលើបាន ព្យាយាមវ៉ារថយន្ត១គ្រឿង នៅពីមុខស្របគ្នា ក៏ជ្រុលទៅទាក់ដៃចង្កូតជាមួយ រនាំងដែកពុះចែកទ្រូងផ្លូវ បណ្តាលឲ្យដួលខ្ទាតចូល ក្រោមកង់រថយន្ត រ៉ង់រ៉ូវ៉ែ ស្លាប់ភ្លាមៗនៅនិងកន្លែងកើតហេតុ ។

ចំណែករថយន្តរ៉ង់រ៉ូវ៉ែឃើញ ហេតុការណ៍មិនសូវស្រួលបាន បន្ថែមល្បឿនជិះគេចខ្លួនបាត់ស្រមោលតែម្តង ។ រីឯសពជនរងគ្រោះ សមត្ថកិច្ចប៉ូលិសចរាចរណ៍ កំពុងស្រាវជ្រាវស្វែងរកបងប្អូនយក ទៅធ្វើបុណ្យតាមប្រពៃណី ៕

ផ្តល់សិទ្ធដោយ កោះសន្តិភាព