ខេត្តកំពង់ចាម ៖ ដោយសារតែតូចចិត្តជាមួយប្រុសស្នេហ៍មិនរវល់ នារីម្នាក់មានផ្ទៃពោះជាង៣ខែ ហើយមក ប៉ុនប៉ងលោត ពីលើស្ពាន គីហ្ស៊ុណា ដើម្បីធ្វើអត្តឃាត តែសំណាង ល្អត្រូវកម្លាំង នគរបាល ចរាចរខេត្ត ដែលយាម ប្រចាំការនៅ ក្បាលស្ពានឃើញ ទាន់ក៏ចាប់ឃាត់ និងដឹកតាមម៉ូតូ យកមកសាក សួរនៅអធិការដ្ឋាននគរបាល ក្រុងកំពង់ចាម ។

ហេតុការណ៍នេះបង្កឱ្យភ្ញាក់ផ្អើលកាលពីវេលាម៉ោង០៨ និង៤០នាទីព្រឹកថ្ងៃទី១៣ មីនា ២០១៥ នេះ នៅលើ ស្ពានគីហ្ស៊ុណា ត្រង់ចន្លោះ សសរប៉េ៩ និងប៉េ១០ ។

ប្រភពបានឱ្យដឹងថា នារីរងគ្រោះឈ្មោះយ៉ុង ធីតា អាយុ១៧ឆ្នាំ រស់នៅភូមិទ្រាន ឃុំទ្រាន ស្រុកកំពង់សៀម   ។      

លោកស៊ឹង ចាន់អូន អធិការស្តីទីក្រុងកំពង់ចាមប្រាប់ឱ្យដឹងថា ក្រោយពីសមត្ថកិច្ចបញ្ជូន នារី ដែលប៉ុនប៉ង លោត ពីលើស្ពានមិន បានសំរេច មកកាន់អធិការដ្ឋាននគរបាល ក្រុងកំពង់ចាម សួរនាំរួចរាល់ ក៏បាន ប្រគល់ឱ្យទៅ នគរបាលស្រុក កំពង់សៀម ដើម្បីឱ្យ សាច់ញាតិមក ទទួលយក ទៅផ្ទះវិញ ។

នាងរងគ្រោះបានឱ្យដឹងថា ដំបូងនាងបានជួលបន្ទប់សម្រាប់ស្នាក់នៅម្តុំមុខរោងចក្រកាត់ដេរ ស្រុកកំពង់សៀម ដោយមាន បុរសម្នាក់ ឈ្មោះភ័ណ្ឌ ជួលបន្ទប់នៅទល់មុខនាង ហើយបុរសនោះ បានអួតថា នៅកម្លោះ មិនទាន់មាន គូសង្សារទេ ថែមទាំងបាន ដាក់ចិត្ត ស្រលាញ់លើរូបនាង ។ នាងបន្តថា នាងរៀន សម្អាងការ ក្រោយមក ក៏ឈប់រៀន បន្ទាប់មក ក៏បានរស់នៅ ជុំគ្នាដូចប្តី-ប្រពន្ធ ជាមួយនឹង បុរសនោះ ចាប់តាំងពី បានស្រឡាញ់គ្នា រហូតមកដល់ ពេលនេះ គឺរយៈជាង៧ខែ ហើយថែម ទាំងមានផ្ទៃពោះ ជាង៣ ខែទៀត ។   

ក្នុងពេលដែលនាងមានផ្ទៃពោះជាង២ខែ ប្រុសស្នេហ៍នោះបានប្រាប់ឱ្យនាងយក កូនក្នុង ផ្ទៃចេញ តែនាង មិនព្រមយក នោះទេ ទុកចិញ្ចឹម ហើយសង្សារនោះចេះតែគេចមុខ ពីនាងរក ទៅរាជធានី ភ្នំពេញបាត់  ។ 

ផ្តល់សិទ្ធដោយ កោះសន្តិភាព