រាជធានីភ្នំពេញ ៖ យុវជនម្នាក់ខឹងតាមស្រលាញ់នារីម្នាក់មិនបាន ពេលឃើញនាងឈរអោបថើបជាមួយ ប្រុសស្នេហ៍ កើតជាកំហឹង ក៏ហៅ បក្ស ពួកជិះម៉ូតូតាមស្ទាក់ វាយនារីរងគ្រោះ ព្រមជាមួយនិងប្រុសស្នេហ៍ បណ្ដាលឱ្យរងរបួស ហើយក្រុមជនសង្ស័យ ក៏ជិះម៉ូតូគេចខ្លួន បាត់អស់ បង្កការភ្ញាក់ផ្អើល ទាំងកណ្ដាលយប់ ។

ហេតុការណ៍នេះ កើតឡើងកាលពីវេលាម៉ោង១២ និង៤០នាទីរំលងអធ្រាត្រ ឈានចូលថ្ងៃទី១៣ មីនា ២០១៥ នេះ ស្ថិតត្រង់ចំណុចមុខ ហាង លក់សម្លៀកបំពាក់ DAH តាមបណ្ដោយផ្លូវព្រះសីហនុ ក្នុងសង្កាត់ទន្លេចតុមុខ ខណ្ឌដូនពេញ ។

ប្រភពពីកន្លែងកើតហេតុឱ្យដឹងថា គេឃើញយុវជន២នាក់ និងនារី២នាក់ទំនងជាសង្សារនិងគ្នា ជិះម៉ូតូ មួយគ្រឿងម៉ាកស៊ុយ ស៊ូគីស្មាស់ ពណ៌ស ពាក់ស្លាកលេខភ្នំពេញ 1BB-0663 ធ្វើដំណើរតាម បណ្ដោយផ្លូវព្រះសីហនុ ចេញពីរង្វង់មូលវិមានឯករាជ្យ ទិសដៅពីកើតទៅលិច ស្រាប់តែមកដល់ចំណុចកើតហេតុ ក៏មានយុវជនសង្ស័យ ប្រមាណជិត១០នាក់ ជិះម៉ូតូ៥គ្រឿង សុទ្ធតែស៊េរីទំនើប តាមមកពីក្រោយ ហើយ ធ្វើសកម្មភាពស្ទាក់ ម៉ូតូរបស់យុវជន និងនារីទាំង៤នាក់ រួចវាយដោយប្រើដៃ និងខ្សែក្រវាត់ ព្រមទាំងយកដុំថ្មវាយ កម្ទេចម៉ូតូរបស់ ជនរង គ្រោះ រួចឡើងជិះម៉ូតូ គេចខ្លួន ពីកន្លែងកើតហេតុអស់ បង្កការភ្ញាក់ផ្អើល ដល់សមត្ថកិច្ច ចុះអន្តរាគមន៍ទាំងកណ្ដាលយប់ ៕

ផ្តល់សិទ្ធដោយ កោះសន្តិភាព