ពិតជានឹកមិនដល់មែន ស្រីស្អាតអង្គរសង្ក្រាន្ត ជាអ្នកគាំទ្របាល់ទាត់ងប់ងុលម្នាក់!

ពិតជានឹកមិនដល់មែន ស្រីស្អាតអង្គរសង្ក្រាន្ត ជាអ្នកគាំទ្របាល់ទាត់ងប់ងុលម្នាក់!

នៅប្រទេសរីកចម្រើនលើកីឡាបាល់ទាត់ មិនចម្លែកទេដែលមានស្រីស្អាតជាអ្នកគាំទ្រ ប៉ុន្តែនៅប្រទេសយើង មិនមែនជារឿងសាមញ្ញពេកឡើយ ខណៈតារាសម្ដែងទើបទទួលបានការចាប់អារម្មណ៍ក្នុងកម្មវិធី “អង្គរសង្ក្រាន្ត២០១៤ ” កញ្ញា ចន្ធី វល័ក្ខ ប្រាប់ថានាង គឺជាអ្នកគាំទ្របាល់ទាត់ងប់ងុលម្នាក់។ តើតារាស្រីវ័យ ១៩ឆ្នាំនេះ ជាអ្នកគាំទ្រក្រុមបាល់ទាត់មួយណា? ចន្ធី វល័ក្ខ - chanthy voleak

កញ្ញា ចន្ធី វល័ក្ខ បើកកកាយរឿងនេះជាមួយ Sabay។ កញ្ញា ថ្លែងឲ្យដឹងថា សម្រាប់ក្រុមបាល់ទាត់ក្នុងស្រុក គឺកញ្ញាស្រឡាញ់គាំទ្រក្រុមកីឡាបាល់ទាត់ចម្ការកៅស៊ូបឹងកេត និងក្រុមភ្នំពេញក្រោន។ ដូច្នេះហើយពេលក្រុមទាំងពីរនេះប្រកួតម្តងៗ កញ្ញា តែងតែឆ្លៀតពេលពីការងារសិល្បៈ និងការសិក្សាទៅស្តាតទស្សនាការប្រកួតរបស់ពួកគេជានិច្ច។

ដោយឡែកនៅលីកកំពូលប្រទេសអង់គ្លេសវិញ ក្រុមមេនឆេស្ទ័រយូណាយធីត ដែលមានរហ័សនាមបិសាចក្រហម គឺជាក្រុមសំណព្វចិត្តរបស់កញ្ញា។ កញ្ញា វល័ក្ខ លើកឡើងថា “ខ្ញុំចាប់ផ្តើមស្រឡាញ់គាំទ្របិសាចក្រហម តាំងពីខ្ញុំមានអាយុ ១៥ឆ្នាំបង ឥឡូវ១៩ឆ្នាំហើយបង…!”។

វិលមកសំណួរថា ហេតុអ្វីបានជាកញ្ញាគាំទ្រក្រុមបិសាចក្រហម? តារាសម្ដែងដែលកំពុងទទួលបានការចាប់អារម្មណ៍រូបនេះ ប្រាប់ថា មកពីបិសាចក្រហម គឺជាក្រុមខ្លាំង ហើយបន្ថែមពីលើនេះ កញ្ញាក៏មានកីឡាករសំណព្វរបស់កញ្ញា ស្ថិតក្នុងក្រុមនេះដែរ គឺខ្សែប្រយុទ្ធកូនពីរ Wayne Rooney។

មែនហើយបិសាចក្រហមជាអតីតក្រុមបាល់ទាត់ដ៏ខ្លាំងមួយរបស់ពិភពលោកពេលស្ថិតក្រោមការគ្រប់គ្រងរបស់លោក អាឡិច ហ្វើគូសុន ដោយធ្លាប់ឈ្នះជើងឯករាប់មិនអស់ទាំងក្នុងស្រុក និងលើឆាកអន្តរជាតិ ហើយរដូវកាលខ្លះក្រុមមួយនេះឈ្នះពានដល់ទៅ៣ថែមទៀតផង។ យ៉ាងណាក៏ដោយ ក្រុមនេះ បានធ្លាក់ចុះដុនដាបក្នុងរជ្ជកាលរបស់លោក David Moyes។

ចន្ធី វល័ក្ខ - chanthy voleak

បិសាចក្រហម បានបាត់ឱកាសទៅលេងក្នុងកម្មវិធីយូហ្វាឆេមពានលីកលើកដំបូងនៅរដូវកាលក្រោយ ក្នុងរយៈពេល១៩ឆ្នាំ ពោលគឺតាំងពីឆ្នាំ ១៩៩៥មក។ កញ្ញា ចន្ធី វល័ក្ខ ថ្លែងថា “ពីមុនលឺតែឈ្មោះ ខ្មោចក៏ខ្លាចដែរបងអើយ តែឥឡូវសូម្បីតែឆ្មារមិនខ្លាចផង!…វាពិបាកសម្រាប់យើងជាអ្នកគាំទ្រ ប៉ុន្តែខ្ញុំនៅតែគាំទ្រពួកគេ និងគ្មានអ្វីផ្លាស់ប្តូរឡើយ”។

គិតត្រឹមសាមញ្ញជន ចន្ធី វល័ក្ខ គឺជានារីគាំទ្រដ៏កម្រក្នុងវិស័យបាល់ទាត់នៅកម្ពុជា ហើយបើគិតក្នុងវិស័យសិល្បៈទៀត កញ្ញា អាចថា ជាសិល្បការិនីដំបូងគេទៀត ដែលស្រឡាញ់កីឡាបាល់ទាត់ងប់ងុលបែបនេះ។

កញ្ញា ថ្លែងថា កញ្ញាបានត្រឹមតែស្រឡាញ់ ប៉ុន្តែមិនចេះលេងកីឡានេះទេ ហើយថា ទំនោរចិត្តស្រឡាញ់កីឡាមួយនេះ កញ្ញា ធ្លាប់ត្រូវម៉ាក់ប៉ាស្តីបន្ទោសដែរ ប៉ុន្តែឥឡូវលែងអីហើយ។ “លែងមានអីថាឲ្យទៀតហើយបង…ចរិតរាងប្រុសៗតាំងពីក្មេង!(សើច)”៕

គ្នាយើងគិតអីចឹងអត់? ហើយអ្នកណាស្គាល់ស្រីស្អាត វល័ក្ខ ខ្លះ?