ចិន៖ ស្ត្រីដែលបានជួប គ្រោះថ្នាក់ចរាចរណ៍ម្នាក់ បានរួចផុតជីវិត ក្រោយពី អ្នកដំណើរដែល មានចិត្តល្អជាង ២០នាក់ បានសហការគ្នា ជួយជីវិត ស្ត្រី រងគ្រោះរូបនោះ។

តាមប្រភពព័ត៌មាន បានឲ្យដឹងថា ហេតុការណ៍នេះ បានកើតឡើង នៅក្នុងក្រុង វ៉ូហ៊ូ ខេត្ត អានហាវ  ប្រទេសចិន ដែលស្ត្រីមិនស្គាល់ អត្តសញ្ញាណ ម្នាក់ ខណៈពេល កំពុងតែជិះកង់ នៅតាមផ្លូវ ក៏ស្រាប់តែត្រូវ រថយន្តទំនើបមួយគ្រឿង បានបើកមកបុកនាង ហើយ ស្ត្រីរូបនេះ ក៏ត្រូវបាន កៀប ជាប់ក្រោមរថយន្តនោះតែម្តង។

ប៉ុន្តែជាសំណាងល្អរបស់ស្ត្រីរូបនេះ ដោយសារអ្នកដំណើរ ឃើញហេតុការណ៍ មិនរវល់ យកទូរសព្ទថតរូប និងឈរចោមមើលនោះទេ  ផ្ទុយទៅវិញ អ្នកដំណើរជាង ២០នាក់ បានសហការគ្នាព្យាយាម រុញ និងលើកឡាននោះ ដើម្បីជួយសង្គ្រោះជីវិត របស់ស្ត្រីរងគ្រោះ។ យ៉ាងណាមិញ ស្ត្រីរងគ្រោះ បានរងរបួសធ្ងន់ធ្ងរ និង ត្រូវបាន បញ្ជូនទៅកាន់មន្ទីរពេទ្យ ហើយ បើគ្មានការជួយសង្គ្រោះនេះទេ ស្ត្រីរងគ្រោះ ប្រាកដជា អាចស្លាប់ នៅកន្លែង កើតហេតុជាមិនខាន៕

រូបភាព អ្នកដំណើរជួយសង្គ្រោះ ស្ត្រីរងគ្រោះឲ្យរួចផុតជីវិត

ប្រភព បរទេស

ដោយ៖ ទីន

ខ្មែរឡូត