បន្ទាយមានជ័យ៖ ពលរដ្ឋរស់នៅភូមិសាមគ្គីមានជ័យ សង្កាត់-ក្រុងប៉ោយប៉ែត ខេត្តបន្ទាយមានជ័យ ប្រមាណជា១០០នាក់ បានហ៊ុំព័ទ្ធ បុរសម្នាក់ បានយក ជីភីអេស ចុចជាមួយនិងមូលបាល ក្រុងប៉ោយប៉ែត និងអាងខ្លួនមានក្រដាសបេសកកម្ម ចេញពីបញ្ជាការដ្ឋានអង្គរក្ស មួយសន្លឹក និងថាទីតាំងនោះ ជាដីរបស់ថ្នាក់លើ របស់ខ្លួនចំនួន២០០ គុណ៤០០ម៉ែត្រ ស្មើនិង៨ហិកតា ។

ហេតុការណ៍នេះ នៅវេលាម៉ោង៣ និង៣០នាទីល្ងាច រហូតដល់ម៉ោង៦និង៥០ល្ងាច ថ្ងៃទី១១ ខែមីនា ឆ្នាំ២០១៥ ទើបរំសាយ ដោយមាន ការសម្របសម្រួលពីអាជ្ញាធរក្រុង។

បើតាមកាអះអាងពីពលរដ្ឋ បានប្រាប់ឲ្យដឹងថា មុនកើតហេតុ ពួកគាត់បានឃើញបុរស ខាងលើនេះ និងក្រុមភូមិបាលក្រុង បានយក ប្រព័ន្ធជិភីអេស មកចុចទីតាំង ដែលពួកគាត់បានរស់នៅជាច្រើនឆ្នាំ និងមានលិខិតប្លង់ដីត្រឹមត្រូវ បែរជាបុរសវ័យ ចំណាស់នោះថា ជាដីរបស់ ថ្នាក់លើរបស់គេ ។

ពួកគាត់បន្តថា ភ្លាមនោះពួកគាត់បានហ៊ុំព័ទ្ធឃាត់សួរនាំរឿង រីឯក្រុមភូមិបាលបានរត់គេច ខ្លួនតែម្តង ហើយបុរសរូបនោះ បានអះអាង ដោយនិយាយថា ខ្លួនមកនេះគឺមានការ សម្របសម្រួល ពីសាលាខេត្ត និងខាងស្នងការខេត្តបន្ទាយមានជ័យផងដែរ។

ប្រភពបានឲ្យដឹងថា បុរសនោះមានឈ្មោះគឹម សារិន អាយុ ប្រមាណ៥១ឆ្នាំ ជាមន្ត្រីយោធាអង្គរក្ស បំពាក់ឋានន្តរស័ក្កិ៥ផងដែរ ហើយ បុគ្គលនេះ តែងតែមកដើរចង្អុលដីនេះ ដីនោះ ជារបស់ថ្នាក់លើ ស្ទើរទាំងអស់ហើយ ។

បើតាមការរៀបរាប់ ពីពលរដ្ឋម្នាក់ទៀតថា មុនដំបូងបុរសខាងលើនេះ បានមកដោះស្រាយ និងមកត្រួតពិនិត្យដីមែន តែនៅត្រង់ចំណុចដី ស្ថិតនៅភូមិក្បាលស្ពាន សង្កាត់ -ក្រុងប៉ោយប៉ែត ខេត្តបន្ទាយមានជ័យ តាំងព្រឹកថ្ងៃដដែល ហើយបែរជាចង្អុលដី នៅចំណុចភូមិ កើត ហេតុខាងលើ នេះទៅវិញ ។

ដោយមានការផ្ទុះរឿងកាន់តែធំ ក៏មានខាងសាលាក្រុងមកសម្របសម្រួល ដើម្បីជួយបុរស ខាងលើនេះ ដើម្បីជៀសវាងអំពើហិង្សា កើតឡើង ។

សូមបញ្ជាក់ថា បុរសខាងលើនេះ មានឈ្មោះគឹម សារិន អាយុ ប្រមាណ៥១ឆ្នាំ ជាមន្ត្រីយោធាអង្គរក្ស បំពាក់ឋានន្តរស័ក្កិ៥ បានកាន់លិខិត បេសកកម្ម ចេញពីបញ្ជាការដ្ឋានអង្គរក្ស ដើម្បីមកភូមិក្បាលស្ពាន សង្កាត់ -ក្រុងប៉ោយប៉ែត ខេត្តបន្ទាយមានជ័យ ៕

ផ្តល់សិទ្ធដោយ ដើមអម្ពិល