រាជធានីភ្នំពេញ ៖ អគ្គិភ័យបានឆាបឆេះ ផ្ទះប្រជាពលរដ្ឋដែលគេអះអាងថា ជាទីតាំងស្ទុកហូលផាមួង យ៉ាងសន្ធោសន្ធៅ ទាំងព្រឹកព្រលឹម នៅផ្ទះលេខ៦៣ ជាន់ទី២ ផ្លូវលេខ៥១ ម្តុំ(ផ្សារតាប៉ាង) ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ កាលពីម៉ោង៧ និង២៥នាទី ព្រឹកថ្ងៃទី១១ មីនា ២០១៥ រថយន្តពន្លត់អគ្គិភ័យជាច្រើនគ្រឿង ត្រូវបានបញ្ជូនទៅកាន់ កន្លែងកើតហេតុ ដើម្បីជួយបាញ់ទឹកពន្លត់ ។ 
     
សមត្ថកិច្ចមូលដ្ឋាន បាននិយាយថា យោងតាមសាក្សីដែលឃើញ ហេតុការណ៏បានឲ្យដឹងថា មុនពេលកើត គេឃើញមានផ្សែងចេញពីផ្ទះលេខ ៦៣ ជាន់ទី២ ផ្លូវលេខម្តុំផ្សារតាប៉ាង ទើបនាំគ្នា ស្រែកឆោឡោឡើង និងរាយការឲ្យនគរបាលមូលដ្ឋាន ជួយហៅឡាន ពន្លត់អគ្គិភ័យមកអន្តរា គមន៍ បាញ់ពន្លត់ ១៥នាទីក្រោយមកទើប ឃើញរថយន្តពន្លត់អគ្គិភ័យ មកដល់ចំណុចកើត ហេតុខាងលើ ជាបន្តបន្ទាប់រហូត ដល់៧គ្រឿង ។ ក្រោយមករថយន្តពន្លត់អគ្គិភ័យ បានបាញ់ទឹកពន្លត់ទាន់ពេលវេលា មិនឲ្យរាលដាលដល់ផ្ទះអ្នក ជិតខាងនោះទេ ហើយបានប្រើប្រាស់ទឹកអស់ចំនួន៤ឡានផងដែរ ។ យោងតាមការពិនិត្យ នៅកន្លែងកើតហេតុ សមត្ថកិច្ចជំនាញបានអះអាងថា  បណ្តាលមកពីផ្ទុះសេ្សខ្សែភ្លើង ហើយឆេះ រាល ដាលដល់ហូលផាមួង ដែលម្ចាស់ផ្ទះយកមកស្ទុកទុក បើគិតជាទឹកប្រមាណ ជា៣០០០ដុល្លារ ។
     
គេសង្កេតឃើញថា នៅក្នុងហេតុការណ៏ ឆេះផ្ទះខាងលើនេះ មានវត្តមានលោកគួច ចំរើន អភិបាលខណ្ឌដូនពេញ បានបញ្ជាកម្លាំងមានសមត្ថកិច្ច ជួយធ្វើចរាចរណ៍ នៅចំណុចដែលកើត ហេតុរហូតមកដល់ម៉ោង ៨ព្រឹកថ្ងៃដដែលនេះ ការឆាបឆេះត្រូវបានរលត់ទៅវិញ បន្ទាប់ពីការជួយអន្តរាគមន៍ យ៉ាងយកចិត្តទុកដាក់ និងស្វិតស្វាញពីកម្លាំងពន្លត់អគ្គិភ័យ អាជ្ញាធរ និងសមត្ថកិច្ចមូលដ្ឋាន ៕

ផ្តល់សិទ្ធដោយ កោះសន្តិភាព