រាជធានីភ្នំពេញ៖ កម្មករសំណង់ម្នាក់ក្នុង ចំណោមគ្នា៥នាក់ត្រូវ បានជនមិនស្គាល់មុខ ម្នាក់ជិះម៉ូតូឃ្លីក ពណ៌សរ មួយគ្រឿងប្រដាប់ដោយកាំភ្លើងខ្លី១ដើម បានធ្វើការស្ទាក់នឹងបាញ់ប្រហារ បណ្តាលអោយយុវជនម្នាក់ រងរបួសធ្ងន់ធ្ងរដេក ដួលនៅក្នុងថ្លុកឈាម ខណៈពេលពួកគេចេញពីរផឹកស៊ីក្នុងក្លឹបកំសាន្ត មេគង្គ ហើយដើរលេងតាមផ្លូវក្នុង គោលបំណងទៅញ៉ែស្រី នៅម្តុំផ្សាររាត្រី ម្តុំមាត់ទន្លេ ។ 

ហេតុការណ៍នេះបានកើត ឡើងនៅវេលាម៉ោង៣ទាបភ្លឺ ឈានចូលថ្ងៃទី១២ ខែមិនា ឆ្នាំ២០១៥ តាមបណ្តោយមហាវិថី ព្រះស៊ីសុវត្ថិ កែងនឹងផ្លូវ៨០ ស្ថិតក្នុងសង្កាត់ស្រះចក ខណ្ឌដូនពេញ ។ កម្មករសំណង់របួសធ្ងន់មានឈ្មោះ ស៊ុន តៃ អាយុ២៧ឆ្នាំ ត្រូវ១គ្រាប់ចំភ្លៅខាងឆ្វេង របួសធ្ងន់ធ្ងរ កំពុងសង្គ្រោះបន្ទាន់នៅ ក្នុងមន្ទីរពេទ្យកាលម៉ែត្រ ។

បច្ចុប្បន្នជនរងគ្រោះកំពុង តែសំរាកព្យាបាលរបួសនៅ ក្នុងមន្ទីរពេទ្យកាលម៉ែត្រ ចំណែកសមត្ថកិច្ច ក៏កំពុងដុតដៃដុតជើងធ្វើការ ស្រាវជ្រាវតាមចាប់ជនដៃដល់ខាងលើ យកមកផ្តន្ទាទោសទៅតាមផ្លូវ ច្បាប់ផងដែរ ៕

ផ្តល់សិទ្ធដោយ កោះសន្តិភាព