ចិន៖ សត្វឆ្កែមួយក្បាល ដែលខឹងនឹងបុរសជាម្ចាស់រថយន្តម្នាក់ទាត់វា ក៏សងសឹកវិញ ដោយទៅខាំរថយន្ត របស់បុរសម្នាក់នោះ ឲ្យក្រពឹតខ្ទេចអស់ ជាច្រើនកន្លែង។ ពីដំបូងគេឃើញ បុរសខាងលើ បានទៅទាត់ឆ្កែ ដោយសារតែមួម៉ៅនឹងវា ដែលទៅដេក នៅកន្លែងចំណតរថយន្ត។

ភ្លាមៗនោះសត្វឆ្កែ ក៏បានរត់ចេញបាត់ តែមួយសន្ទុះក្រោយមក វាបានត្រលប់មកវិញជាមួយ បក្សពួករបស់វា ពីរបីក្បាលថែមទៀត ហើយមកលោតខាំ កកេររថយន្តរបស់បុរសនោះតែម្តង។ គេឃើញពួកវា ខាំកកេរ យ៉ាន់កង់ឡាន និងហក់ខាំ ដែកជូតកញ្ចក់រថយន្ត ដែលចតនៅខាងក្រៅ ផ្ទះល្វែង ស្ថិតនៅក្នុងខេត្ត Chongqing ភាគខាងត្បូង ប្រទេសចិន។ ក្នុងហេតុការណ៍ ដ៏គួរឲ្យហួសចិត្តខាងលើ ក៏មានអ្នកជិតខាងម្នាក់ ថតបានរូបភាព មួយចំនួន ដើម្បីទុកសំរាប់បង្ហាញដល់បុរស ម្ចាស់រថយន្តផងដែរ៕

បុរសជាម្ចាស់រថយន្ត ម្នាក់បានទាត់ឆ្កែដោយសារខឹងនឹងវាដែលដេក នៅកន្លែងចតឡាន


សត្វឆ្កែនោះ បានសងសឹកវិញ ដោយនាំគ្នារបស់វាមកខាំរថយន្តបុរសនោះ


ពួកវា ខាំកកេរ យ៉ាន់កង់ តួរថយន្ត និងហក់ខាំដែកជូតកញ្ចក់


ហេតុការណ៍នេះកើតឡើង ក្នុងខេត្ត Chongqing ភាគខាងត្បូងប្រទេសចិន

ប្រភព៖ បរទេស

ដោយ៖ Roth

ខ្មែរឡូត