រាជធានីភ្នំពេញ៖ ចោរប្រដាប់អាវុធ១ ក្រុមបានបាញ់ចំនួន៣គ្រាប់ រួចប្លន់យកម៉ូតូស៊េរីទំនើប ពីប្តីប្រពន្ឋ ២នាក់បាន ដោយសុវត្ថិភាព មិនរំខានដល់សមត្ថកិច្ចនោះទេ ហេតុការណ៍នេះកើតឡើង នៅវេលាម៉ោង៣ និង៣០នាទី យប់ទៀបភ្លឺ ឈានចូលថ្ងៃទី១១ ខែមិនា ឆ្នាំ២០១៥ តាមបណ្ដោយផ្លូវលំ លេខ៩៣ នៅត្រង់ចំណុចមុខបឋមសិក្សាពញ្ញាក្រែង ស្ថិតក្នុងសង្កាត់ទួលសង្កែរ ខណ្ឌឫស្សីកែវ ។បង្កឲ្យមានការភ្ញាក់ផ្អើលដល់ប្រជាពលរដ្ឋ ជួយដេញស្ទាក់ចាប់ តែត្រូវក្រុមចោរបាញ់រះ ចំនួន៣គ្រាប់តែម្តង ។

ប្រភពព័ត៌មានបានឲ្យដឹងថា ជនរងគ្រោះ២នាក់ប្ដីប្រពន្ធ គាត់បានជិះម៉ូតូស្គុពី១គ្រឿង គ្មានស្លាកលេខ ធ្វើដំណើរតាមបណ្ដោយផ្លូវលំលេខ ៩៣ ទិសដៅពីជើងទៅត្បូង ទំនងទើបនិងចេញមកពី ធ្វើការត្រឡប់ទៅផ្ទះ លុះមកដល់ចំណុចកើតហេតុ ក៏មានជនសង្ស័យក្រុមមានគ្នា៤ នាក់ជិះម៉ូតូ២គ្រឿង ជិះមកពីក្រោយ ហើយអែបម៉ូតូជនរងគ្រោះ បណ្តាលឲ្យដួលរួចក៏ដណ្ដើម យកម៉ូតូពីជនរងគ្រោះ ។ ភ្លាមនោះជនរងគ្រោះក៏ស្រែឆោឡោ ថាចោរៗ បង្ករឲ្យមានការភ្ញាក់ផ្អើល ដល់ប្រជាពលរដ្ឋដែលនៅ ជិតកន្លែងកើតហេតុ នាំគ្នាចេញមក ឃើញជនរងគ្រោះកំពុងរត់ដេញតាមម៉ូតូដែល ក្រុមចោរកំពុងជិះចេញពី កន្លែកើតហេតុ ឃើញដូចនោះប្រជាពលរដ្ឋ ក៏នាំគ្នាចេញទៅជួយដេញ តែត្រូវជនសង្ស័យដកកាំភ្លើងខ្លី១ដើម បាញ់សំដៅទៅរកប្រជាពលរដ្ឋ និងជនរងគ្រោះដែលកំពុងរត់ ដេញតាមពីក្រោយ ចំនួន៣គ្រាប់ ធ្វើឲ្យប្រជាពលរដ្ឋនិងជនរងគ្រោះ នាំគ្នាគេចពួនទាន់ពេល ទើបមិនរងរបួស ហើយក៏បណ្ដោយឲ្យជន សង្ស័យជិះរត់ចេញពីកន្លែង កើតហេតុបានដោយសុវត្ថិភាព ។ ប៉ុន្ដែជនរងគ្រោះទាំង២នាក់ស្តាយម៉ូតូ ដែលទើបនិងទិញមិនទាន់បាន ទាំងធ្វើស្លាកលេខផង ក៏នាំគ្នារត់ដេញតាមចេញ ពីកន្លែងកើតហេតុ បាត់ស្រមោល ។ 

ក្រោយពេលកើតប្រជាពលរដ្ឋ បានផ្ដល់ដំណឹងឲ្យសមត្ថកិច្ចចុះ មកដល់កន្លែងកើតហេតុ តែសមត្ថកិច្ច បានត្រឹមចុះមក ដល់ចំណុចកើតហេតុឈរមើលមិនដឹងថា ជនរងគ្រោះទៅកន្លែងណាទេនោះទេ ។ជាមួយគ្នានោះប្រជាពលរដ្ឋ មានការភ័យខ្លាចពីភាព អសន្តិសុខជាខ្លាំង ខណៈពេលដែលក្រុមចោរ ចេញធ្វើសកម្មភាពប្លន់សឹងរាល់ថ្ងៃ ហើយសមត្ថកិច្ចបែរជាមិនដឹង ទាល់តែប្រជាពលរដ្ឋ ឬក៏ជនរងគ្រោះទៅប្តឹងទើបចុះមកបាន ត្រឹមចាប់ខ្យល់ប៉ុណ្ណោះ ៕

ផ្តល់សិទ្ធដោយ កោះសន្តិភាព