ហ្វេសប៊ុក៖ កាលពីពេលថ្មីៗនេះ អ្នកលេងបណ្តាញ សង្គមហ្វេសប៊ុក ជាច្រើន បាននាំគ្នាភ្ញាក់ផ្អើល ចំពោះរូបថត ប៉ុន្មានសន្លឹករបស់ តារាស្រី ដែលមានដងខ្លួន ដ៏ស៊ិចស៊ី គឺអ្នកនាង ឆ័យលី ដាឡែន ដែលនាងបាន បង្ហោះរូបភាព បង្ហាញពីភាពផ្អែមល្ហែម រវាងនាង នឹងប្តីជាទីសំណព្វ តែក្នុងនោះ គឺសម្លៀក បំពាក់របស់នាង ក៏ដូចជា កាយវិការរបស់ប្តីនាង ហាក់ដូចជាបង្ហាញថា ដាឡែន កំពុងតែមានផ្ទៃពោះ។

បន្ទាប់ពីមានរូបភាព ប៉ុន្មានសន្លឹក ដែលត្រូវបានបង្ហោះចូលក្នុង បណ្តាញសង្គមហ្វេសប៊ុក បង្ហាញថា ឆ័យលី ដាឡែន បានស្លៀកឈុតរ៉ូប ដែលជាឈុត ពេញនិយម សម្រាប់ស្ត្រីដែលមាន ផ្ទៃពោះ បូកផ្សំជាមួយ នឹងកាយវិការ របស់ប្តីនាង ដែលបានអោនដាក់ត្រចៀក ត្រង់ពោះរបស់នាង ទៀតនោះ ហាក់បង្ហាញថា ពួកគេទាំង ២នាក់កំពុងតែ ត្រៀមខ្លួនក្លាយជាឪពុកម្តាយ ទៅហើយ។

ក្នុងនោះទស្សនិកជន ជាច្រើនក៏បាន ចូលរួមអបអរសាទរ ដល់ពួកគេ ដែលមានបុត្រ សម្រាប់ជា ចំណងដៃនៃ អាពាហ៍ពិពាហ៍មួយនេះ ស្របពេល នោះក៏មាន អ្នកខ្លះនៅតែ បង្ហាញពីភាព ភ្ញាក់ផ្អើល មិនទាន់ជឿថា អ្នកនាង ឆ័យលី ដាឡែន អាចមានផ្ទៃពោះ បានឆាប់រហ័ស យ៉ាងនេះបន្ទាប់ ពីពួកគេទើបតែ ដឹកដៃគ្នា ចូលរោងការ កាលពី ២ខែមុននេះប៉ុណ្ណោះ៕

តើប្រិយមិត្តយល់ យ៉ាងណាដែរ?
រូបភាព របស់ ឆ័យលី ដាឡែន និងប្តីរបស់នាង៖

ប្រភពរូបភាព ពីហ្វេសប៊ុក

ដោយ៖ Xeno

ខ្មែរឡូត