មិនធម្មតា! តារាចម្រៀងប្រុស Jay Chou ដឹកដៃប្រពន្ធ រៀបការជា លើកទី៣ នៅអូស្ត្រាលី

មិនធម្មតា! តារាចម្រៀងប្រុស Jay Chou ដឹកដៃប្រពន្ធ រៀបការជា លើកទី៣ នៅអូស្ត្រាលី

អូស្រ្តាលី៖ កាលពីថ្មីៗនេះ តារាចម្រៀងប្រុសតៃវ៉ាន់ ដ៏ល្បី Jay Chou និងនាង Hannha Quinlivan បានទៅរៀបការ ជាលើកទី៣ នៅប្រទេសអូស្រ្តាលី។

ចំពោះអាពាហ៍ពិពាហ៍របស់តារាចម្រៀងប្រុស រូបនេះ បានប្រព្រឹត្តទៅចំនួន៣ដង ដែលលើកទី១ បានប្រារព្ធ ក្នុងព្រះវិហារ នៅប្រទេស អង់គ្លេស លើកទី២ នៅទីក្រុងតៃប៉ិ និងលើកទី៣នេះ បានធ្វើឡើង នៅទីក្រុង Gold Coast ប្រទេសអូស្រ្តាលី កាលពីថ្ងៃទី៩ ខែមីនា។ គួរបញ្ជាក់ផងដែរថា សាច់ញាតិ និងឪពុករបស់ Hannha បានរស់នៅប្រទេសអូស្រ្តាលី ដូច្នេះហើយ ទើបពួកគេសម្រេចចិត្តរៀបការ នៅទីនេះម្តងទៀត ព្រោះថា ជីដូនជីតារបស់ Hannha មិនអាចធ្វើដំណើរ ទៅចូលរួមអាពាហ៍ពិពាហ៍ របស់នាងបាននោះទេ កាលនៅទីក្រុងតៃប៉ិ និងអង់គ្លេស។

ជាពិសេសនោះ លោក Jay Chou ក៏បានបង្ហោះរូបថតជាច្រើនសន្លឹក ក្នុងថ្ងៃអាពាហ៍ពិពាហ៍ នៅប្រទេស អូស្រ្តាលី ចូលក្នុងទំព័រហ្វេសបុកផ្លូវការ របស់គាត់ផងដែរ៕

អាពាហ៍ពិពាហ៍របស់លោក Jay Chou នៅប្រទេសអូស្រ្តាលី