កំពង់ស្ពឺ ៖ ជនដែលបាញ់បោះ ៣៣គ្រាប់ នៅកណ្ដាលទីរួម ខេត្ដកំពង់ស្ពឺ ហើយត្រូវ បានចាប់ខ្លួនរយៈ ពេល១០ថ្ងៃ ក្រោយមកនេះ ត្រូវបានព្រះរាជអាជ្ញា អមសាលាដំបូង ខេត្ដកំពង់ស្ពឺ លោក កែវ សុឃា សម្រេច ចោទប្រកាន់ពីបទ “កាន់កាប់និង ប្រើប្រាស់ អាវុធខុសច្បាប់ ” ត្រូវបានចៅក្រម ស៊ើបសួរ សាលាដំបូងខេត្ដ កំពង់ស្ពឺ លោក យ៉ាន់ សុភាព សម្រេចចេញដីកា ដាក់ពន្ធនាគារជា បណ្ដោះអាសន្ន នៅរសៀល ថ្ងៃទី១០ ខែមីនា ឆ្នាំ២០១៥នេះ ។

លោក យ៉ាន់ សុភាព បានប្រាប់តាមទូរ ស័ព្ទ នៅមុននេះបន្ដិចថា “ខ្ញុំបានចេញដីកា ឃុំខ្លួនដាក់ពន្ធនាគារ ហើយ ត្រូវបានសមត្ថកិច្ច ដឹកយកទៅ ពន្ធនាគារហើយ”។

លោក កែវ សុឃា បានសម្រេចចោទ ប្រកាន់ជននេះពីបទ កាន់កាប់និងប្រើប្រាស់ អាវុធខុសច្បាប់ ។ សូមបញ្ជាក់ថា ជឹង ស៊ីណាត ក្រោយពី បាញ់បោះ ៣៣គ្រាប់ គំរាមនគរបាលចរាចរណ៍ ខេត្ដកំពង់ស្ពឺ កាលពី១០ ថ្ងៃមុននោះ ត្រូវបានចាប់ខ្លួន នៅខេត្ដត្បូងឃ្មុំ និងនាំមកកាន់ ស្នងការដ្ឋាន នគរបាលរាជធានីភ្នំពេញ រួចបន្ដបញ្ជូន ទៅកាន់ស្នងការដ្ឋាន នគរបាលខេត្ដ កំពង់ស្ពឺ ជាម្ចាស់ទឹកដី៕

ផ្តល់សិទ្ធដោយ ដើមអម្ពិល