កណ្តាល៖ សិស្សនៃវិទ្យាល័យ ព្រែកថ្មី ចំនួនពីរក្រុម បានដេញវាយគ្នា នៅខាងមុខវិទ្យាល័យ អនុវត្តន៍ ក្រុងតាខ្មៅ បង្កឲ្យបាត់ សណ្តាប់ធ្នាប់ ត្រូវនគរបាល ឃាត់ខ្លួនបាន៦នាក់ និងរត់រួច៥នាក់ កាលពីម៉ោង ប្រហែលជា ១៦និង០០ ថ្ងៃទី៩ ខែមីនា ឆ្នាំ២០១៥ ស្ថិតនៅក្នុងភូមិ ព្រែកសំរោង សង្កត់តាខ្មៅ-ក្រុងតាខ្មៅ ខេត្តកណ្តាល។

នគរបាលបានឲ្យដឹងថា ក្មេងទំនើង ដែលដេញវាយគ្នា យ៉ាងអនាធិបតេយ្យនោះ មានពីរក្រុម ក្រុមទី១ អ្នកទី១-ឈ្មោះ ហ៊ន ហេង ភេទប្រុស អាយុ ២៣ឆ្នាំ រស់នៅភូមិកោះក្របី សង្កាត់ព្រែកថ្មី ខណ្ឌច្បារអំពៅ ភ្នំពេញ មុខរបរ រត់តុការ (ឃាត់ខ្លួន)។ ទី២-ឈ្មោះ ហ៊ន ចិត្ត្រា ភេទប្រុស អាយុ ១៥ឆ្នាំ រស់នៅភូមិ កោះក្របី សង្កាត់ព្រែកថ្មី ខណ្ឌច្បារអំពៅ ភ្នំពេញ មុខរបរសិស្ស ថ្នាក់ទី៧C វិទ្យាល័យហ៊ុនសែន ព្រែកថ្មី (ឃាត់ខ្លួន)។ ទី៣-ឈ្មោះ ចាន់ អេចជេន ភេទប្រុស អាយុ ១៥ឆ្នាំ រស់នៅភូមិកោះក្របី សង្កាត់ព្រែកថ្មី ខណ្ឌច្បារអំពៅ ភ្នំពេញ មុខរបរសិស្ស ថ្នាក់ទី៨C វិទ្យាល័យហ៊ុនសែន ព្រែកថ្មី (ឃាត់ខ្លួន)។ ទី៤-ឈ្មោះ យឹម ដាវីន ភេទប្រុស អាយុ ១៧ឆ្នាំ រស់នៅភូមិ-សង្កាត់ ព្រែកថ្មី ខណ្ឌច្បារអំពៅ ភ្នំពេញ មុខរបរ សិស្សថ្នាក់ទី៨ វិទ្យាល័យហ៊ុនសែន ព្រែកថ្មី (ឃាត់ខ្លួន)។ និងក្រុមទី២ អ្នកទី១-ឈ្មោះ ប៊ុន គីមថុង ភេទប្រុស អាយុ ១៩ឆ្នាំ រស់នៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅភ្នំពេញ មុខរបរសិស្ស ថ្នាក់ទី១០ វិទ្យាល័យហ៊ុនសែន ព្រែកថ្មី (ឃាត់ខ្លួន)។ ទី២-ឈ្មោះ ប៊ុន គីមឡុង ភេទប្រុស អាយុ ១៧ឆ្នាំ រស់នៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ ភ្នំពេញ មុខរបរសិស្ស ថ្នាក់ទី៩ វិទ្យាល័យហ៊ុនសែន ព្រែកថ្មី (ឃាត់ខ្លួន)។ នឹង៥នាក់ទៀត កំពុងរត់គេចខ្លួន ទី១-ឈ្មោះ ប៉ោង ភេទប្រុស ទី២-ឈ្មោះ ប៊ុន ភេទប្រុស ទី៣-ឈ្មោះ ធារ៉ា ភេទប្រុស ទី៤ឈ្មោះ ថេង ភេទប្រុស ទី៥ ឈ្មោះ ឆាយ ភេទប្រុស។

នគរបាលបាន បន្តទៀតថា កសរដេញវាយគ្នានេះ ដោយសារពួកគេ ធ្លាប់មានរឿង នឹងគ្នារយៈពេល ប្រហែលជាមួយខែមុន ក្រុមទាំង២ ធ្លាប់មាន ទំនាស់ជាមួយគ្នា ម្តងរួចមកហើយ លុះនៅវេលា កើតហេតុខាងលើ ក្រមទី១ ដែលមានគ្នា ០៤នាក់ បានជួបក្រុមទី២ នៅមុខវត្តកោះក្របី ហើយក៏ជិះម៉ូតូដេញ វាយក្រុមទី១ រហូតដល់មុខ វិទ្យាល័យអនុវត្តន៍ ក្រុងតាខ្មៅ ឈ្មោះ ហ៊ន ចិត្ត្រា បានទូរស័ព្ទ ហៅបងរបស់ខ្លួន ឈ្មោះ ហ៊ន ហេង មកជួយដោយ មានកាំបិតបុ័ងតោ កាន់មកជាមួយរួចដេញ កាប់ទៅលើ ក្រុមទី២វិញ ដោយខ្លះមាន ខ្សែក្រវ៉ាត់ ដេញវាយគ្នា ទៅវិញទៅមក បណ្តាលឲ្យមានរបួសស្រាល ទាំងសងខាង ភ្លាមនោះ សមត្ថកិច្ច ក៏ចុះដល់ដញ តាមឃាត់ខ្លួនជន សង្ស័យបាន ០៦នាក់ រួមទាំងដកហូត បានវត្ថុតាង កាំបិតបុ័ង តោដងដែក១, ខ្សែក្រវ៉ាត់ពណ៌ខ្មៅ ក្បាលដែក១, ម៉ូតូ០២គ្រឿង (ម៉ាកហុងដាសេ១១០ ពណ៌ខ្មៅ ឆ្នាំ២០១១ ស្លាកលេខ ភ្នំពេញ ១BI-៤២៩៤ និងម៉ាកហុងដា សេ១២៥ ពណ៌ខ្មៅ ឆ្នាំ២០១៤ ស្លាកលេខ ភ្នំពេញ ១CH-៥៧១៧ )នាំយកមកសាកសួរ ដើម្បីស្វែងរកឃាត់ខ្លួន ជនដៃដល់ ៥នាក់ទៀត កំពុងរត់គេចខ្លួននោះ ។

បច្ចុប្បន្នក្រុមក្មេង ទំនើងទាំងពីរ ក្រុមត្រូវបានបញ្ជូន ទៅកាន់អធិការដ្ឋាន ក្រុងតាខ្មៅ ដើម្បីធ្វើការសាកសួរ បន្តនិងចាត់ទៅ តាមនីតិវិធី៕

ផ្តល់សិទ្ធដោយ ដើមអម្ពិល