អង់គ្លេស៖ តាមរយ:ការស្កេនពិនិត្យផ្ទៃពោះ របស់ស្ត្រីជាមាតាម្នាក់ បានបង្ហាញរូបភាព យ៉ាងច្បាស់ឲ្យឃើញនូវទិដ្ឋភាព ដែលទារកនៅក្នុងផ្ទៃ លើក ម្រាមដៃចេញជាសញ្ញា V មិនគួរឲ្យជឿ។

លោក Ed Parsons ជាឪពុក និងអ្នកស្រី Dee Parsons ជាអនាគតអ្នកម្តាយ បានសម្តែងភាពភ្ញាក់ផ្អើល នៅពេលដែលបានឃើញ កូនរបស់ខ្លួន ដែលទើបតែមានអាយុ ២០ សប្តាហ៍ប៉ុណ្ណោះ អាចប្រើម្រាមដៃ ធ្វើជាសញ្ញាអក្សរ V មានន័យថា Victory ឬ ជ័យជំនះ ខណ:រូបគេ ស្ថិតក្នុងផ្ទៃម្តាយនៅឡើយ ហើយសញ្ញាសន្តិភាពនេះទៀតសោត មានការផ្សារភ្ជាប់ជាមួយនឹង លោកអតីតនាយករដ្ឋមន្ត្រី Winston Churchill នៃចក្រភពអង់គ្លេស កាលពីជំនាន់សង្គ្រាមលោក ផងដែរ ដែលរូបលោក ធ្លាប់បានប្រើសញ្ញា V នេះបង្ហាញពីសន្តិភាពពិភពលោក។

ស្ត្រីជាម្តាយ វ័យ៣៥ឆ្នាំ រូបនេះ បាននិយាយថា៖ «អ្នកជំនាញសុខភាព មិនចង់ជឿសោះថាជាការពិត … គាត់និយាយថា មិនដែលឃើញ រឿងចម្លែកកើតឡើង យ៉ាងដូច្នេះពីមុនមកទេ។ វាពិតជាល្អប្រសើរមែន ដែលអាចមើលឃើញ រូបភាពតំណាងឲ្យសញ្ញា នៃសន្តិភាព ក្នុងពេលដែល មានរឿងមិនល្អ កើតមានឡើងយ៉ាងច្រើន នៅជុំវិញពិភពលោក។ ខ្ញុំនឹងហៅកូននេះថា ទារកនាំសន្តិភាព»។

គាត់បានបន្ថែមជាចុងក្រោយទៀតថា បើសិនជាកូននេះ កើតមកជាកូនប្រុស គាត់នឹងដាក់ឈ្មោះឲ្យគេថា Winston តែម្តង ដូចទៅនឹងឈ្មោះ របស់លោកអតីតនាយករដ្ឋមន្ត្រី Winston ដែរ៕

តើប្រិយមិត្ត យល់ថាអាចទៅរួចទេ ដែលទារកតូចដល់ម្លឹង អាចលើកដៃជាសញ្ញា V នៅក្នុងផ្ទៃម្តាយ យ៉ាងដូច្នេះ?

អ្នកស្រី Dee និង លោក Ed Parsons បង្ហាញរូបភាពកូនរបស់ខ្លួន ធ្វើសញ្ញា V


រូបភាពដែលមិននឹកស្មានដល់ និងមិនគួរឲ្យជឿ របស់ទារកក្នុងផ្ទៃ


អតីតនាយករដ្ឋមន្ត្រីអង់គ្លេស Winston Churchill

ប្រភព៖ Dailymail

ដោយ សី