ឥណ្ឌា៖ វីដេអូឃ្លីបមួយ ទើបតែលេច ចេញថ្មីៗនេះ បានបង្ហាញឲ្យឃើញ នូវហេតុការណ៍ ដ៏គួរឲ្យរន្ធត់មួយ ដែលក្រុម មនុស្សជាច្រើននាក់ បានស្ទុះ ចូលទៅក្នុងគុក ដើម្បីនាំខ្លួនជនល្មើស ជាជន ជាប់ចោទក្នុង ករណីរំលោភ សិស្សស្រីម្នាក់ យកមក កាត់ទោស តាមផ្លូវ មុននឹង វាយធ្វើបាប រហូតដល់ ជនល្មើសបាត់បង់ជីវិត ។

គួររំលឹកដែរថា ហេតុការណ៍ តុលាការប្រជាជនសម្រេចស្វែងរកយុត្តិធម៌ដោយខ្លួនឯងនោះ បានកើតឡើង ក្នុង ទីក្រុង Dimapur របស់ ប្រទេស ឥណ្ឌា ។ អ្នកស្រុក បាន ចាប់អូស បុរសម្នាក់ ដែលត្រូវបាន គេដឹងថា ជាជនជាប់ចោទ ក្នុងករណីរំលោភ ទៅលើសិស្ស ស្រីម្នាក់ជា ច្រើនដង កាលពីខែមុន  ដើម្បីនាំខ្លួនគេ ចេញពីគុក មួយនេះ ហើយធ្វើការ ដាក់ទណ្ឌកម្ម ដោយដៃរបស់ ពួកគេផ្ទាល់ ដើម្បីរំសាយកំហឹង រហូតដល់ ជនជាប់ចោទ ត្រូវបានស្លាប់ នៅកណ្តាលផ្លូវ សាធារណៈ ។

បន្ថែមពីលើនេះ បើយោងតាម សារព័ត៌មាន The Indian Express បានកំណត់ អត្តសញ្ញាណ ជនជាប់ចោទ ឲ្យបានដឹងថាជា ឈ្មួញរកស៊ី លក់ឡាន មានអាយុ ៣៥ឆ្នាំ ហើយ ជនជាប់ចោទ បានចាប់រំលោភ សេពសន្ថវៈ  សិស្សស្រីម្នាក់ រៀននៅសាកល វិទ្យាល័យមួយ បាន សម្រេច ច្រើនលើក ហើយរឿងនេះ បានបែកធ្លាយ កាលពីថ្ងៃទី ២៤ កុម្ភៈ  ហើយ មួយថ្ងៃក្រោយមក ជនជាប់ចោទនេះ ត្រូវបាន ប៉ូលិស ចាប់ខ្លួនបាន ។ តាមប្រភព ដដែល នេះបាន ឲ្យដឹងថា ក្នុង ហេតុការណ៍នេះ  កំហឹងរបស់ប្រជាជន មិនត្រឹមតែ បានសម្លាប់ ជនជាប់ចោទ ហើយថែមទាំង ដុត ផ្ទះ និង ហាងជំនួញ របស់ ជនជាប់ចោទ ទៀតផង។

គួរបញ្ជាក់ដែរថា ចាប់តាំងពី មានករណី ចាប់រំលោភបូក និស្សិតស្រីម្នាក់ លើរថយន្តក្រុង កាលពីឆ្នាំ ២០១២ និង ករណីរំលោភ សេព សន្ថវៈ  បានកើតឡើង ជាប្រចាំនៅឥណ្ឌា ជាហេតុធ្វើឲ្យ ប្រជាជនឥណ្ឌា កើតជា កំហឹង និង ត្រូវតែ ពិន័យដោយ គ្មានត្រាប្រណី លើជន ណា ដែលប្រព្រឹត្ត រឿងនេះ ។ យ៉ាងណាមិញ វីដេអូឃ្លីប ដែលបង្ហាញហេតុការណ៍ ដ៏គួរឲ្យរន្ធត់មួយ ត្រូវបានថត យកចេញ ពីការផ្សាយ ពីក្នុង ទូរទស្សន៍ ឥណ្ឌា NDTV ៕

សកម្មភាពប្រជាជន ប្រហារជីវិតជនល្មើស នៅកន្លែង កើតហេតុ

ប៉ូលិស និង ទាហាន បើត្រូវដាក់ពង្រាយដើម្បីទប់ស្កាត់ហេតុការណ៍នេះ

វីដេអូ មហាជន សំរុកចូលក្នុងគុក ចាប់អូស-ក ជនល្មើស

 តើប្រិយមិត្តយល់ដូចម្តេចលើករណីនេះ ?

ប្រភព Dailymail | NDTV

ដោយ៖ ទីន

ខ្មែរឡូត