យាយខ្លីអ្នកកំប្លែង និងអ្នកចម្រៀងអាយ៉ៃ បានទទួលមរណភាពហើយ

យាយខ្លីអ្នកកំប្លែង និងអ្នកចម្រៀងអាយ៉ៃ បានទទួលមរណភាពហើយ

តារាកំប្លែងជើងចាស់ល្បីឈ្មោះ យាយខ្លី បានទទួលមរណភាពហើយកាលពីវេលាម៉ោង ១២ និង ១២នាទីរំលងអធ្រាត្រយប់មិញ ដោយរោគាពាធជន្មាយុ ៦៣ ឆ្នាំ។

តារាកំប្លែងជើងចាស់រូបនេះបានធ្លាក់ខ្លួនឈឺចាប់តាំងពីឆ្នាំ ២០១២ មក ហើយជំងឺរបស់ លោកយាយ មិនបានធូរស្រាលនោះទេមានតែឈឺកាន់តែធ្ងន់។

សពត្រូវបានតម្កល់ទុកធ្វើបុណ្យតាមប្រពៃណីនៅវត្តញាណរង្សី នៅក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។

លោកយាយបានចូលសម្រាកនៅក្នុងមន្ទីរពេទ្យកាល់ម៉ែត្រប្រមាណបីអាទិត្យមកហើយ ទើបតែធ្លាក់ខ្លួនឈឺខ្លាំងរហូតសន្លប់បាត់មាត់បាត់កនៅថ្ងៃទី ២៧ មេសា ហើយគាត់បឺតទុយោទឹកមិនបានទេ ទាល់តែបន្តក់ មួយៗទើបបាន ។

yeay khley

យាយខ្លីពេលសម្រាកព្យាបាយនៅមន្ទីពេទ្យកាល់ម៉ែត្រ រូបថត៖ Facebook Sun Visa

អ្នកស្រីនេត ផល្លី ហៅយាយខ្លី មានអាយុ ៦៣ឆ្នាំ ជាតារាកំប្លែងជើងចាស់ល្បីឈ្មោះម្នាក់ក្នុងក្រុមកំប្លែង នាយកុយ ហើយលោកយាយមានកូន ៦ នាក់ ក្នុងនោះប្រុស ២ នាក់ តែបច្ចុប្បន្នសល់តែ ៥ នាក់ បន្ទាប់ពីកូនស្រីពៅ បានស្លាប់ កាលពីប៉ុន្មានឆ្នាំមុន ។

យាយខ្លី ជាអ្នកសិល្បៈអាយ៉ៃជើងចាស់មុនចាប់អាជីពកំប្លែង ។ កូនៗរបស់យាយខ្លីមានជីវភាពមិនធូរធារទេ ក្នុងនោះខ្លះរត់ម៉ូតូឌុប ខ្លះលក់នំអាកោ៕

ព័ត៌មានបន្ថែមទៀត Sabay នឹងជម្រាបជូនតាមក្រោយទៀត។

យ៉ាយខ្លី-Yeay-Khley