តារាចម្រៀង Chris Brown ត្រូវមិត្ត ស្រី ទាត់ចោល ក្រោយលួចលាក់ មានកូន ជាមួយស្រីផ្សេង?

តារាចម្រៀង Chris Brown ត្រូវមិត្ត ស្រី ទាត់ចោល ក្រោយលួចលាក់ មានកូន ជាមួយស្រីផ្សេង?

សហរដ្ឋអាមេរិក៖ តារាចម្រៀង សញ្ជាតិអាមេរិក វ័យ២៥ឆ្នាំ Chris Brown ត្រូវបាននាង Karrueche Tran ដែលជាសង្សារ ទាត់ចោល ក្រោយលួចលាក់ មានកូន ជាមួយនឹងស្រីផ្សេង។

យោងតាមប្រភពព័ត៌មាន បានឲ្យដឹងថា នាង Karrueche Tran វ័យ២៦ឆ្នាំ បានសរសេរសារ នៅលើបណ្តាញសង្គម Twitter ដោយហាក់បី ដូចជា ចង់បែកគ្នា ជាមួយនឹង តារាចម្រៀង Chris Brown ក្រោយធ្លាយដំណឹងថា Chris Brown លួចលាក់ មានកូន ជាមួយនឹង ស្រីផ្សេង។

តារាចម្រៀង Chris Brown និង នាង Karrueche Tran

ប្រភពដដែល បានឲ្យដឹងទៀតថា តារាចម្រៀង វ័យ២៥ឆ្នាំ Chris Brown បានក្លាយជាឪពុកគេ កាលពី៩ខែមុនម្ល៉េស ជាមួយនឹង មិត្តស្រី របស់លោក ដែលជាអតីត តារាម៉ូដែល មានឈ្មោះថា Nia។

ជាមួយគ្នានេះដែរ Nia ដែលមាន ស្នេហ៍លួចលាក់ ជាមួយនឹង លោក Chris Brown នោះ គឺមានអាយុ៣១ឆ្នាំ ធ្លាប់ធ្វើជា តារាម៉ូដែល ហើយក៏ធ្លាប់ បង្ហាញខ្លួន នៅក្នុងវីដេអូចម្រៀង ជាច្រើនផងដែរ។

យោងតាមការអះអាង របស់សារព័ត៌មាន ជាច្រើន បានឲ្យដឹងថា ពួកគេទាំង២នាក់ (Chris Brown និង Nia) បានស្គាល់គ្នា អស់រយៈពេល ជាច្រើនឆ្នាំ មកហើយ ខណៈតារាចម្រៀង សញ្ជាតិអាមេរិក រូបនោះ សប្បាយចិត្តខ្លាំង ដែលបានក្លាយជា ឪពុកគេ។ ប៉ុន្តែ Chris Brown និង Nia គឺមិននៅ ជាមួយគ្នាទេ តែទំនាក់ទំនង អ្នកទាំង២ គឺល្អខ្លាំងណាស់។

យ៉ាងណាមិញ រយៈពេល៤ឆ្នាំ នៃទំនាក់ទំនង រវាង Chris Brown និង Karrueche ធ្លាប់ឆ្លងកាត់ ឧបសគ្គ និងការចែកផ្លូវគ្នា ជាច្រើនដង រួចមកហើយ ប៉ុន្តែលើកនេះ Karrueche បានសរសេរសារ នៅលើបណ្តាញសង្គម Twitter ថា “នាងឆ្អែតឆ្អន់ហើយ ចំពោះរឿងនេះ”៕

តារាចម្រៀង Chris Brown និង នាង Karrueche Tran

តារាចម្រៀង Chris Brown និង នាង Karrueche Tran

នាង Karrueche Tran

នាង Nia ដែលមានកូន ជាមួយនឹង តារាចម្រៀង Chris Brown