រាជធានីភ្នំពេញ៖ បុរស២នាក់បាន រងរបួសធ្ងន់ដេកសន្លប់ ស្តូកស្តឹងនៅនឹងកន្លែងកើតហេតុ ខណៈបុរសម្នាក់ បានជិះម៉ូតូម៉ាកហុងដាសេ១២៥ ចេញពីផ្លូវបេតុង ក្នុងល្បឿនលឿនបត់ឡើង មកផ្លូវជាតិលេខ៤ ជាន់ហ្វ្រាំងមិនទាន់ ក៏ទៅបុកម៉ូតូកង់បីលឿនដូចគ្នា ចំពាក់កណ្តាលម៉ូតូជាហេតុ ធ្វើឲ្យដួលបោកទៅ នឹងថ្នល់រងរបួសតែម្តង ។

ហេតុការណ៍នេះបានកើត ឡើងនៅវេលាម៉ោង១ និង១០នាទីអាធ្រាត្រ ឈានចូលថ្ងៃទី០៥ ខែមិនា ឆ្នាំ២០១៥ មុខវិទ្យាល័យជម្ពូវ័ន្ត ក្នុងភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ ។

ចំណែកម៉ូតូហុងដា សេ១២៥និងម៉ូតូកង់បីត្រូវបានសមត្ថកិច្ច ចុះវាស់វែងយកទៅរក្សាទុកនៅអធិការដ្ឋាន ខណ្ឌពោធិ៍សែនជ័យ ។ រីឯជនរងគ្រោះទាំង២នាក់ត្រូវបាន រថយន្តសាមុយដឹកយកទៅ សង្គ្រោះនៅមន្ទីរពេទ្យ ៕

ផ្តល់សិទ្ធដោយ កោះសន្តិភាព