រាជធានីភ្នំពេញ៖ ក្រុមចោរខ្ទើយចំនួន៣នាក់ត្រូវបានសមត្ថកិច្ចប៉ូលិសល្បាតធ្វើការឃាត់ខ្លួនភ្លាមៗ ខណៈពេល ធ្វើសកម្មភាព បើកទ្វាររថយន្ត យកកាបូបលុយរបស់បុរសម្នាក់កំពុង ឈប់រថយន្ត ជិតប្រលានយន្តហោះ ភ្នំពេញ អន្តរជាតិចាំបងប្អូន ឃើញដូចនេះ ក្រុមជនសង្ស័យ បានប្រើ ល្បិចញ៉ែ ម្ចាស់រថយន្ត ហើទុកឲ្យ បក្ខពួក ម្នាក់ទៀតធ្វើសកម្មភាព បើកទ្វាររថយន្ត លួចយកកាបូប បានសម្រេច រីឯបក្ខពួកម្នាក់ ទៀតចាំលើម៉ូតូ នៅពេលធ្វើ សកម្មភាព បានសម្រេច ក៏ជិះម៉ូតូគេចខ្លួន អស់តែម្តង ។ 

ភ្លាមៗនោះដោយមានការសង្ស័យបុរសរងគ្រោះ បានមើលក្នុងរថយន្ត ក៏ប្រទះឃើញ បាត់កាបូបដាក់ ឯកសារ ដែលនៅ ក្នុងនោះមាន លុយចំនួន ជាង ១លានរៀល រួមទាំងឯកសារ សំខាន់ ទើបស្រែក ឆោឡោផ្អើល ដល់សមត្ថកិច្ច ជួយអន្តរាគមន៍ ក៏ប្រទះឃើញ ក្រុមជនសង្ស័យទាំ ង៣នាក់ ជិះម៉ូតូអាយខុន ពណ៌ក្រហម លាយស ដែលជាភិនភាគ ដែលជនរង គ្រោះផ្តល់ឲ្យ ក៏ធ្វើការឃាត់ ខ្លួនតែម្តង ។

ហេតុការណ៍នេះបានកើតឡើងកាលវេលាម៉ោង៩និង៤០នាទីយប់ ថ្ងៃទី០៣ ខែមីនា ឆ្នាំ២០១៥ ស្ថិតក្នុង ភូមិព្រៃព្រីង ខាងជើង ក្នុងសង្កាត់ ចោមចៅ ខណ្ឌពោធិ៍សែនជ័យ ៕

ផ្តល់សិទ្ធដោយ កោះសន្តិភាព