រាជធានីភ្នំពេញ៖ ជនសង្ស័យចំនួន២នាក់អស់ល័ក្ខត្រូវជនបរទេសស្បែកខ្មៅតាមប្រម៉ាញ់ ចាប់ទាល់ តែបានភ្លាមៗ ក្រោយពេល ជននេះបានធ្វើ សកម្មភាពជិះម៉ូតូឆក់កាបូបជន រងគ្រោះ កំពុងជិះម៉ូតូ ប្រមាណជាង ៣០០ម៉ែត្រ ក៏ចាប់បាន នៅទល់មុខ ខារាអូខេអេហ្ស៊ីប ស្ថិតតាមបណ្តោយ មហាវិថី ម៉ៅសេទុង ក្នុងសង្កាត់ទឹកល្អក់១ ខណ្ឌទួលគោក និងបាន ការជួយអន្តរាគមន៍ ពីប៉ូលិសផងដែរ ។ ជាមួយនោះប៉ូលិស បានដកហូត ម៉ូតូស៊េរីទំនើបពី ជនសង្ស័យ ចំនួន១គ្រឿង ផងដែរ ។

ដំណើររឿងគឺជនរងគ្រោះស្រីប្រុសបានជិះម៉ូតូអែប្លែកតាមបណ្តោយមហាវិថីម៉ៅសេទុង ក្នុងទិសដៅ ពីត្បូង ទៅជើង ស្រាប់តែមក ដល់ម្តុំស្តុបទេពផន ក៏ត្រូវជនសង្ស័យខាងលើឆក់ កាបូបស្ពាយ បណ្តាល ឲ្យដាច់ ខ្សែ ប៉ុន្តែមិនបាន សម្រេចនោះទេ ។

ជាមួយគ្នានោះដោយសារតែខឹងចោរឆក់កាបូប ជនជាតិស្បែកខ្មៅបានជិះម៉ូតូដេញតាម ជនសង្ស័យ រហូតទៅ ដល់ចំណុចខាង លើបានកាក ឲ្យឈប់ និងចាប់ទាំង២ នាក់តែម្តង ៕

ផ្តល់សិទ្ធដោយ កោះសន្តិភាព