កំពង់ធំ ៖ ក្មេងប្រុស អាយុ៣ឆ្នាំម្នាក់ ត្រូវបានរថយន្ដ សាំយ៉ុងមួយគ្រឿង បុកស្លាប់កាលពី វេលាម៉ោង ៧និង៥០នាទី យប់ថ្ងៃទី២៥ ខែកុម្ភៈ ឆ្នាំ២០១៥ ស្ថិតនៅតាម បណ្ដោយផ្លូវជាតិ លេខ៦ ភូមិកាតាយ ឃុំសូយោង ស្រុកបារាយណ៍ ខេត្ដកំពង់ធំ ។

ប្រភពព័ត៌មាន ពីមន្ដ្រីនគរបាល ស្រុកបារាយណ៍ បានឱ្យដឹងថា ក្មេងប្រុសរងគ្រោះ ឈ្មោះ ឈុន ម៉េងតាយ អាយុ៣ឆ្នាំ រស់នៅ ភូមិឃុំកើត ហេតុខាងលើ ត្រូវបានរថយន្ដ សាំយ៉ុងមួយគ្រឿង ពណ៌លឿង ពាក់ស្លាកលេខ ភ្នំពេញ 2AD-43377 បុកស្លាប់ភ្លាមៗ នៅកន្លែង កើតហេតុ ។

ក្រោយបង្ក គ្រោះថ្នាក់ចរាចរ អ្នកបើក រថយន្ដ ដែលសមត្ថកិច្ច មិនទាន់ស្គាល់ អត្ដសញ្ញាណ បានបើក ទ្វាររត់គេចខ្លួន ដោយសុវត្ថិភាព ដោយបន្សល់ទុក រថយន្ដនៅកន្លែង កើតហេតុ ។

មន្ដ្រីនគរបាល បានបន្ដថា ក្រោយកើតហេតុភ្លាមៗ សមត្ថកិច្ចបានចុះ ទៅជួយអន្ដរាគមន៍ ហើយឃាត់ខ្លួន យកមករក្សា ទុកនិងបន្ដ ធ្វើការស្រាវជ្រាវ តាមចាប់អ្នកបើក រថយន្ដយក មកផ្ដន្ទាទោស តាមផ្លូវច្បាប់ រីឯសពក្មេង ប្រុសរងគ្រោះ ត្រូវបានសមត្ថកិច្ច ប្រគល់ ទៅឱ្យក្រុម គ្រួសារយកទៅធ្វើ បុណ្យតាមប្រពៃណី ដោយក្ដីអាលោះ អាល័យជាទីបំផុត ៕

ផ្តល់សិទ្ធដោយ ដើមអម្ពិល