រាជធានីភ្នំពេញ៖ មួយរយៈចុងក្រោយនេះរឿងជនឆបោកតាមទូរស័ព្ទដៃបានកក្រើកឡើងវិញ ដោយប្រើ រូបភាពត្រូវរង្វាន់ ឬក៏យកឈ្មោះ អ្នកធំៗមកប្រើ ប្រយោជន៍ដើម្បី បោកប្រាស់គេយក លុយតាម វីង ជាដើម។ ចំនែកករណីប្លែកមួយ នេះវិញ គឺជនសង្ស័យបាន ស្រាវជ្រាវ រកលេខ ទូរស័ព្ទជនរង គ្រោះ ហើយទេរកបន្លំធ្វើ ជាសាច់ញាិតជួបគ្រោះថ្នាក់ ចរាចរឲ្យជនរងគ្រោះ ផ្ញើលុយឲ្យតាមវីង ។ ប៉ុន្តែជនឆបោក ត្រូវ អស់ល័ក្ខ ធ្វើឲ្យជនរងគ្រោះ រៀបគំរោងប្តឹង ទើបធ្វើការឃាត់ខ្លួនបាន នៅវេលាម៉ោង ៧និង៤០នាទីយប់ ថ្ងៃទី២៤ ខែកុម្ភៈ ឆ្នាំ២០១៥ នៅចំណត់រថយន្ត ផ្សារថ្មី ក្នុងសង្កាត់ផ្សារថ្មី២ ខណ្ឌដូនពេញ ។

ជនរងគ្រោះមានឈ្មោះឡាយ លេង មានអាយុ៥៨ឆ្នាំ ជាទាហ៊ាននៅព្រះវិហារ គាត់បានរៀបរាប់ឲ្យ កោះសន្តិភាពដឹងថា ប្រមាណជា៣ថ្ងៃ មុនមានបុរស ម្នាក់បានទូរស័ព្ទទៅគាត់ ដោយហៅគាត់ថាឪពុក កូនជួបគ្រោះថ្នាក់ចរាចរ ហើយត្រូវការ លុយ៥០ដុល្លា ឮដូច្នេះលោក ឡាយ លេង មិនបានគិតច្រើន នោះទេ ក៏ផ្ញើលុយឲ្យជននោះភ្លាមៗ ។ ស្រាប់តែនៅថ្ងៃកើតហេតុ ខាងលើបុរសនោះបាន ទូរស័ព្ទទៅគាត់ទៀត ថាត្រូវការ៥០០ដុល្លា ទៀតទើបគ្រប់ ភ្លាមៗនោះគាត់ ក៏កើតការសង្ស័យ ក៏ទូរស័ព្ទចូលកូនប្រុស គាត់ដែលនៅភ្នំពេញ ហើយបានសួរនាំរឿង គ្រោះថ្នាក់ចរាចរ បែរជាកូនប្រុសរបស់ គាត់ឆ្លើយថាអត់មាន រឿងអីនោះទេ ។ ភ្លាមៗនោះគាត់បានរៀបរាប់ តំណើររឿងប្រាប់កូន ក៏រៀបគំរោង សហការជាមួយប៉ូលិស ទើបធ្វើការឃាត់ខ្លួន ជនសង្ស័យបាន នៅចំណុចកើតហេតុ ខាងលើតែម្តង ៕