បន្ទាយមានជ័យ ៖ បុរសអនាថា និងនារីអនាថា បានទៅទិញបាយហូប លុះដល់ ចែកបាយ គ្នាហូប ដោយមានការ ចែកមិនស្មើគ្នា ក៏បង្កឲ្យឈ្លោះប្រកែកគ្នា រហូតឈានដល់បង្ក របួសស្នាមទាំង២នាក់ ម្នាក់ត្រូវបានកម្លាំងអ ហ ក្រុង ក្របួចបាន ចំណែកនារីម្នាក់ទៀត ត្រូវបានសមត្ថកិច្ច បញ្ជូនទៅកាន់ មន្ទីពេទ្យដើម្បីជួយសង្គ្រោះ ។

ហេតុការណ៍នេះ បានកើតឡើងនៅត្រង់បរិវេណកាស៊ីណូ ស្តាវីហ្គាស ហៅផ្កាយ៥ វេលាម៉ោង១០ និង១០នាទី ព្រឹក ថ្ងៃទី២៣ ខែកុម្ភះ ឆ្នាំ២០១៥ ស្ថិតនៅភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ។

ក្រោយពីកើតហេតុ កម្លាំងសន្តិសុខកាស៊ីណូ បានឃាត់ទាន់ពេលវេលា និងបង្កឲ្យរងបួស ដល់អាយុ ជិវិតលើ នារីរងគ្រោះ ភ្លាមក៏ បានរាយការណ៍ ជូនកម្លាំង អ ហក្រុងប៉ោយប៉ែត ដើម្បីជួយអន្តរាគមន៍ រថយន្តសង្គ្រោះ បន្ទាន់ របស់អង្គកាម៉ាក្រុងប៉ោយប៉ែត ដឹកបញ្ជូននារីរងគ្រោះ ទៅកាន់ មន្ទីរពេទ្យបង្អែក មិត្តភាពកម្ពុជា ជប៉ុនមង្គល បូរីផងដែរ រីឯជនដៃបញ្ជូនទៅកាន់មូលដ្ឋានអ ហ ក្រុងសាកសួរនាំ។

លោកជា ដា មេបញ្ជាការអ ហក្រុងប៉ោយប៉ែត បានប្រាប់ឲ្យដឹង តាមទូរស័ព្ទថា ក្រោយពីបាន ទទួលព័ត៌មាន ពីមហាជន លោកក៏បានបញ្ជាកម្លាំង ទៅអន្តរាគមន៍ ឃាត់ចាប់ជនដៃដល់តែម្តង រួមទាំងវត្ថុតាងកាបិត កាត់អំបោះ។

លោកបានបន្តថា ជនដៃដល់មានឈ្មោះ ឈាន ចាន់ថន ភេទប្រុស អាយុ២១ គ្មានលំនៅដ្ឋានពិតប្រាកដ រងរបួសត្រង់ មុនបន្តិច ។   រីឯនារីរងគ្រោះមានឈ្មោះ ឡាំ ផា ភេទស្រី អាយុ ៣៤ឆ្នាំ រស់នៅមិនពិតប្រាកដ បណ្តាលរងរបួសត្រង់ ផ្ទៃមុខ ខ្នង ដៃខាងស្តាំ ដោយជនដៃដល់យកកាំបិតតូចកាត់អំបោះចាក់ ។

លោកបន្ថែមថា ក្រោយពីកម្លាំងអ ហ ក្រុង ឃាត់ខ្លួនជនដៃដល់បានសារភាព ចម្លើយថា ខ្លួនពិតជាបាន យកកាំបិតកាត់ អំបោះចាក់ពិតមែន ដោយសារតែនារីរងគ្រោះខាងលើ ចែកបាយមិនឲ្យគ្រប់គ្រាន់ ទើបបង្កហិង្សា បែបនេះតែម្តង ។

បច្ចុប្បន្នសមត្ថកិច្ចជំនាញ អ ហ ក្រុងបានសាងសំណំជនដៃ និងវត្ថុតាងបញ្ជូនទៅកាន់បញ្ជាការដ្ឋានអ ហខេត្ត ដើម្បីចាត់ការ ទៅតាមនិតិវិធីច្បាប់ ៕

ផ្តល់សិទ្ធដោយ ដើមអម្ពិល