រុស្ស៊ី៖ រឿងរ៉ាវដ៏ហួសចិត្ត មួយបានកើតឡើងនៅក្នុងទីក្រុង Novoaltaysk ដោយមានយុវជន ជនជាតិរុស្ស៊ី ម្នាក់ឈ្មោះ Alexander Chernikov បានយកភ្លើងដុតខ្លួនឯង ហើយលោតទន្លាក់ខ្លួន ពីលើអាគារ៩ ជាន់ កំពស់៣០ ម៉ែត្រ ចុះមកក្រោម។

យុវជន Chernikov មុនពេលលោតចុះមកក្រោម

យុវជន Chernikov បានប្រាប់ថា មូលហេតុដែលគាត់លោតនេះ គឺដើម្បីធ្វើតេស្តលើខ្លួនឯង និងចង់បង្ហាញប្រាប់ថា គ្មានអ្វីដែលមនុស្ស មិនអាចធ្វើបាននោះទេ។ ទោះជាយ៉ាងណាក៏ដោយ Chernikov លោតទន្លាក់ខ្លួនមកលើ គំនរព្រិលប៉ុណ្ណោះ ហើយព្រិលក៏បានធ្វើឲ្យ ភ្លើងដែលឆេះនៅលើ ខ្លួនរបស់គេរលត់ផងដែរ។ 

ក្នុងវីដេអូគេឃើញ Chernikov ឈរលើកំពូលអាគារ បន្ទាប់មកយុវជនរូបនោះ បានដុតជើងទាំង២ឲ្យឆេះ និងលោតចុះមកក្រោម។ យ៉ាងណាមិញនៅពេលធ្លាក់មកដល់ក្រោម Chernikov ហាក់បង្ហាញអាការៈឈឺចាប់ ហើយរូបគេក៏ត្រូវបានប៉ូលិស ធ្វើការឃាត់ខ្លួនផងដែរ។ វីដេអូនោះត្រូវបាន បង្ហោះនៅលើគេហទំព័រ Live Leak ដែលមានការចុច ចូលមើលជាង ១៣០០០០ ដង។ ចង់ដឹងថាទិដ្ឋភាព នៅពេលនោះយ៉ាងណាខ្លះ សូមមើលវីដេអូខាងក្រោម៖

Chernikovបានយកភ្លើងដុតខ្លួនឯង ហើយលោតទន្លាក់ខ្លួនពីលើអាគារ៩ជាន់

ប្រភព៖ Asiantown & Mirror

ដោយ៖ Roth

ខ្មែរឡូត