បន្ទាយមានជ័យ: ផ្ទះឈើប្រក់ស័ង្កសី ១ខ្នង ត្រូវបានអគ្គីភ័យ លេបត្របាក់ស្ទើរ តែទាំងស្រុង កាលពីព្រឹក វេលាម៉ោង ៧និង៣០នាទី នៅថ្ងៃទី១១ ខែកុម្ភះ ឆ្នាំ២០១៥ កើតឡើងក្នុង ភូមិតាអ៊ិន២ ឃុំស្រះរាំង ស្រុកមង្គលបូរី ខេត្តបន្ទាយមានជ័យ ។

ករណីអគ្គីភ័យនេះ សមត្ថកិច្ចប្រាប់ថា គឺបានឆេះផ្ទះ របស់ ឈ្មោះ សួង ទី ប្រុស អាយុ៧៧ឆ្នាំ និងប្រពន្ធឈ្មោះ ហួត ឡាំ អាយុ៧៤ឆ្នាំ ផ្ទះមានទំហំ ៩ម៉ែត្រ គុណ៨ម៉ែត្រ ធ្វើអំពី ឈើប្រក់ស័ង្កសី, ជញ្ជាំងស័ង្កសី មួយចំហៀង និងស្លឹកមួយចំហៀង ។

សមត្ថកិច្ចប្រាប់ទៀតថា ទំហំនៃការខាត ប្រមាណ៧០ភាគរយ និងខូចខាតទ្រព្យ សម្បត្តិរួមមាន ម៉ូតូហុងដា ស៊េរីឆ្នាំ2007 មួយគ្រឿង ,ប្រាក់ថៃ ១២ម៉ឺនបាត, ខ្សែកមាស៦ជី, ខ្សែដៃមាស៥ជី, ចិញ្ជៀនមាស៥ជី, ខ្សែកផ្លាកទីន៣ជី, ក្រវិលមាស២ជី, ទូរទស្សន៍ ១គ្រឿង ទូដាក់ ខោអាវ១, គ្រែ១ និងសម្ភារះ ប្រើប្រាស់ក្នុងផ្ទះ ត្រូវឆេះទាំងស្រុង។

មូលហេតុបណ្ដាល មកពីដាំបាយ ហូបពេលព្រឹក ហើយទៅវត្ត ពន្លត់ភ្លើងចង្រ្កាន រលត់មិនអស់ ៕

ផ្តល់សិទ្ធដោយ ដើមអម្ពិល