សាកសព មាំុមី ជាទូទៅ គេតែងតែស្គាល់ថា មាននៅក្នុងប្រទេសអេហ្ស៊ីប ប៉ុន្តែ នៅតំបន់ផ្សេងៗ ជាច្រើនកន្លែងទៀត ជុំវិញពិភពលោក ក៏ត្រូវបានគេប្រទះឃើញមាន ផងដែរ។ សាកសព មាំុមី ជាទូទៅ ជាសាកសពមនុស្សស្លាប់បាត់ទៅ ដែលត្រូវបានរក្សាទុក តាមរបៀបរក្សាសព សម័យបុរាណ ដើម្បីទប់ទល់នឹង លក្ខខណ្ឌធម្មជាតិ ឬ ស្ថានភាពអាកាសធាតុ ដើម្បីធ្វើឲ្យសាកសពមិនរលួយ ព្រមទាំងរក្សាភាពដើម បានយ៉ាងល្អ បើទោះបីជាមាន អាយុកាលយូរណាក្តី។ ថ្ងៃនេះប្រិយមិត្ត អាចមកយល់ដឹង ពីសាកសព ម៉ាំមី មួយចំនួន ខាងក្រោមនេះ ដែលត្រូវបានរក្សា យ៉ាងល្អ ប្រៀបបានដូចជា នៅសភាពដើម នៅឡើយ៖

- ក្នុងប្រទេសអ៊ីតាលី៖ សាកសព ក្មេងស្រី តូចអាយុ ២ឆ្នាំម្នាក់ ឈ្មោះ Rosalia Lombardo បានស្លាប់ តាំងពី ឆ្នាំ ១៩២០ ប៉ុន្តែ សាកសព របស់ ក្មេងស្រីនេះនៅតែ រក្សារូបរាងបានស្រស់ញញឹម ដូចជា មនុស្សនៅមានជីវិត កំពុងតែគេងលក់ យ៉ាងដូច្នោះដែរ។ គួររំលឹកថា គេបានជីករកឃើញ សាកសពនេះ ក្នុងកន្លែងកប់សាកសពមួយកន្លែង នៃប្រទេសអ៊ីតាលី។ សាកសពមាំុមី Rosalia ត្រូវបានគេដឹងថាជា សាកសព មាំុមី ដែល ត្រូវបានកប់ក្នុងមឈូស  និង កប់តាម របៀបរក្សា ដោយការអប់សាកសព ទើបបានជា សាកសពរបស់នាង នៅតែ មិនរលួយនៅឡើយ ហើយ មានសភាពស្រស់ស្អាត ដូចជាមនុស្ស នៅរស់ បែបនេះ នៅពេលដែល គេគាស់ សាកសពឡើងមក។

សាកសពមាំុមី Rosalia ថតកាលពីឆ្នាំ១៩៨២

- ក្នុងប្រទេសចិន ៖ មានការប្រទះឃើញ សាកសពមាំុមី  មួយចំនួនពីសម័យបុរាណ រួមមានៈ

   - សាកសពមាំុមីបុរាណ ស្ថិត នៅក្នុងរជ្ជកាល រាជវង្សមីង បន្សល់ទុកមកទល់ ពេលសព្វថ្ងៃនេះ មានរយៈពេល ជាង ៧០០ ឆ្នាំមកហើយ ត្រូវបាន អ្នកធ្វើការសាងសង់ផ្លូវ មួយក្រុម បានរកឃើញ។ សាកសពខ្មោច មាំុមី នេះ ត្រូវបានលម្អទៅដោយ គ្រឿងអលង្ការ នាសម័យ នោះ។ មិនតែប៉ុណ្ណោះ សាកសព ត្រូវគេ រុំដោយ ក្រណាត់ដ៏កម្រ ដែលនេះ អាចបញ្ជាក់បានថា កាលពីនៅរស់ សាកសពស្ថិតនៅក្នុង ត្រកូលអភិជន ដ៏ខ្ពស់ខ្ពស់មួយ។

  - សាកសព របស់ ស្ត្រីម្នាក់ ដែលគេស្គាល់ថា Diva Mummy ដែលជា សាកសព មាំុមី ត្រូវបានរក្សាយ៉ាងល្អ បំផុត ត្រូវបាន ប្រទះឃើញ ក្នុងផ្នូរមួយកន្លែង ដែលបានកប់ជាមួយ របស់តម្លៃជាច្រើន។ ម៉ាំមីនេះ ត្រូវបានរក្សាទុកអស់ រយៈពេល ២,១០០ ឆ្នាំមុន តាំងពី រាងវង្ស ហាន ( Han ) ភាគខាងលិច នៃប្រទេសចិន។

- ទ្វីបអឺរ៉ុប ក្នុងប្រទេស ហ្រ្គីនឡេន៖  សាកសព មាំុមី នៃ ទារកតូចម្នាក់ ត្រូវបានគេរកឃើញ នៅក្នុងប្រទេស ហ្រ្គីនឡែន ដែលជាប្រទេស មានអាកាសធាតុត្រជាក់ខ្លាំង។ នៅពេលដំបូង នៃការរកឃើញ សាកសពទារកតូចនេះ ត្រូវបានគេគិតថា គ្រាន់តែជារូបតុក្កតា មួយប៉ុណ្ណោះ ដោយសារ សាកសពមាំុមីនេះ រក្សារូបរាងបានយ៉ាងល្អ។ ក្រោយមក អ្នកបុរាណវិទូ បានធ្វើការពិសោធន៍ ទើបដឹងថា ជាទារកមា្នក់ ដែលបានស្លាប់ ប្រហែល នៅពេលមាន អាយុ ៦ខែ។

- ក្នុងប្រទេសរុស្ស៊ី ៖ កាលពីឆ្នាំ ២០០២ សាកសព មាំុមី របស់ មហាសង្ឃ ដែលជា អ្នកដឹកនាំសាសនាព្រះពុទ្ធ ក្នុងប្រទេស រុស្ស៊ី ត្រូវបាន ជីក និងដាក់បង្ហាញ ឲ្យពុទ្ធបរិស័ទ បានឃើញជាសាធារណៈ ក្រោយពីបានសុគត អស់ជាង ៧៥ឆ្នាំ កន្លងមក។  ព្រះកាយរបស់ ព្រះអង្គ នៅតែមិនទាន់រលួយ នៅឡើយ។ សូមទស្សនាវីដេអូខាងក្រោមនេះ

- ក្នុងប្រទេសម៉ុងហ្គោលី៖  នេះជាការរកឃើញថ្មីមួយ ចុងក្រោយនៃ សាកសព ព្រះសង្ឃមួយអង្គ ដែលត្រូវគេដឹងថា មានរយៈពេល ២០០ឆ្នាំ មកហើយ តែនៅអាចរក្សាសភាពដើម និង មិនទាន់ស្អុយរលួយ នៅឡើយ។ សាកសព ព្រះសង្ឃ អង្គនេះ ត្រូវបានប៉ូលីស រកឃើញ ខណៈពេលដែល បុរសម្នាក់ លួចយកសាកសព ទៅលក់ក្នុងទីផ្សារងងឹតរួចមក។ ក្នុងនោះដែរ បច្ចុប្បន្ន ជនល្មើស ត្រូវបានចាប់ខ្លួន ចំនែក សាកសព របស់ព្រះអង្គវិញ ត្រូវបានគេ ដាក់ការពារ សុវត្ថិភាព និង ថែរក្សាទុក នៅក្នុងមជ្ឈមណ្ឌល ជំនាញផ្នែកកោសល្យវិច្ច័យជាតិ ផងដែរ។

អត្ថបទទាក់ទង ៖ សារមន្ទីរខ្មោចមុាំមី ដ៏ព្រឺខ្នងមានខ្មោចមាុំមី រាប់រយ (មានវីដេអូ)

            

ប្រភព បរទេស

ដោយ៖ ទីន

ខ្មែរឡូត