រាជធានីភ្នំពេញ៖ បុរសម្នាក់បាន រងរបួសធ្ងន់បាក់ជើង ខណៈពេលធ្វើដំណើរ ពីខេត្តព្រះវិហារមក ទិញអីវ៉ាន់ នៅផ្សារអូឬស្សី ។ ប៉ុន្តែពេល មក ដល់ព្រែកព្នៅ ក៏ចូលលេងផ្ទះបងប្អូន ស្រាប់តែមកដល់ផ្លូវ១៥១ រថយន្តបានបែកកង់ ជាហេតុធ្វើឲ្យបុរសរងគ្រោះ បើករថយន្តតិចៗរកកន្លែង ប៉ះកង តែរកមិនឃើញក៏ថយ រថយន្តត្រឡប់មកក្រោយវិញ ដោយមិនស្គាល់ស្ថានភាពផ្លូវ ថយជ្រុលធ្លាក់ចូលបឹងតាមោគ ធ្វើឲ្យរថយន្តក្រឡាប់ ៣ទៅ៤ត្រឡប់តែម្តង ។

ហេតុការណ៍នេះបាន កើតឡើងនៅវេលាម៉ោង៨ និង៣០នាទីយប់ ថ្ងៃទី១០ ខែកុម្ភៈ ឆ្នាំ២០១៥ នៅតាមបណ្តោយផ្លូវ១៥១ ក្នុងភូមិសំរោងខាងត្បូង សង្កាត់សំរោង ខណ្ឌព្រែកព្នៅ ។

បុរសរងគ្រោះមានឈ្មោះថៃ សុង អាយុ៦០ឆ្នាំ មានមុខរបរជាអ្នកលក់ ចាប់ហួយនៅខេត្តព្រះវិហារ ។ ជាមួយគ្នានោះដែរ ជនរងគ្រោះបានប្រាប់សមត្ថកិច្ចទាំងស្ថានភាព ខ្សាវៗថាគាត់បាត់កាបូបលុយធំមួយ ក្នុងនោះមានលុយ ៦០០០ដុល្លាអាមេរិក និងលុយបាទជាង៣ម៉ឺនបាទថែមទៀតផង៕

ផ្តល់សិទ្ធដោយ កោះសន្តិភាព