កំពត ៖ ម៉ូតូរបស់កូន កំលោះមួយគ្រឿង ត្រូវបានចោរលួចយក បានដោយសុវត្ថិភាព ខណៈជនរងគ្រោះជា កូនកំលោះ បានទុកម៉ូតូ របស់ខ្លួន នៅខាងក្រោមផ្ទះ ហើយរូបគេបាន ទៅផ្សំដំណេក នៅខាងលើផ្ទះ ។

ហេតុការណ៍ចោរ លួចម៉ូតូខាងលើនេះ បានកើតឡើង កាលពីវេលាម៉ោង ចន្លោះម៉ោង ៥ព្រឹក ថ្ងៃទី៩ ខែកុម្ភៈ ឆ្នាំ២០១៥ ស្ថិតក្នុង ភូមិឬស្សីដុំ ឃុំប្រភ្នំ ស្រុកអង្គរជ័យ ខេត្តកំពត ។

នគរបាលស្រុកអង្គរជ័យ បានប្រាប់មជ្ឈមណ្ឌល ព័ត៌មានដើមអម្ពិល ឲ្យដឹងថា ជនរងគ្រោះម្ចាស់ម៉ូតូ ហើយក៏ជា កូនកំលោះ ឈ្មោះ ថូ មករា ភេទប្រុស អាយុ២៥ឆ្នាំ មានទីលំនៅ ភូមិរហាត់ទឹក សង្កាត់រហាត់ទឹក ក្រុងសេរីសោភ័ណ្ឌ ខេត្តបន្ទាយមានជ័យ ។ ម៉ូតូដែលបាត់ ម៉ាកសង់សេ ១២៥ ស៊េរី២០១១ ពណ៌ខ្មៅ ពាក់ស្លាកលេខ បន្ទាយមានជ័យ 1E-4238 ។

មន្រ្តីនគរបាល បានឲ្យដឹតទៀតថា ជនរងគ្រោះ បាននាំយកម៉ូតូ ដែលបាត់នោះ តាំងពីខេត្ត បន្ទាយមានជ័យ ហើយបាន រៀបការប្រពន្ធ នៅថ្ងៃទី០៨ ខែកុម្ភៈ ឆ្នាំ២០១៥ ពេលការចប់រួចរាល់ នៅកណ្តាលអាធ្រាត្រ ក៏អស់ភ្ញៀវ កូនកំលោះ និងកូនក្រមុំ បានឡើង ផ្សំដំណេក ដោយយកម៉ូតូទៅទុក នៅខាងក្រោម ផ្ទះកូន ក្រមុំ ជាមួយនឹង ម៉ូតូអ្នកដទៃ ប៉ុន្តែអកុសល បាត់បង់តែម៉ូតូ របស់កូនកំលោះ ប៉ុណ្ណោះ។
បច្ចុប្បន្ន កម្លាំង មានសមត្ថកិច្ចនានា បាននិងកំពុងតែ ធ្វើការស្រាវជ្រាវ ៕

ផ្តល់សិទ្ធដោយ ដើមអម្ពិល