ខេត្តកំពង់ឆ្នាំង ៖ រថយន្តក្រុមហ៊ុន ស្រាបៀរ១គ្រឿងបានបើក បុកគូទកន្ទុយសណ្តោងរថយន្ត កាម៉ាស់ដឹកដែកទាំង កណ្តាលយប់ បណ្តាលអ្នកបើកបររថយន្ត ដឹកស្រាបៀរកៀបជាប់ក្នុង កាប៊ីនរថយន្តរងរបួសស្រាល។

ហេតុការណ៍គ្រោះថ្នាក់ ចរាចរណ៏នេះបានកើតឡើង កាលពីវេលាម៉ោង១ និង៣០នាទីរំលងអាធ្រាត ឈានចូលថ្ងៃទី០៧ មករា ២០១៥ លើផ្លូវជាតិលេខ៥ មុខមន្ទីរពេទ្យភ្នែក នៃមន្ទីរពេទ្យខេត្ត ក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង។   

សមត្ថកិច្ចនគរបាល ចរាចរណ៍ក្រុងកំពង់ឆ្នាំង បានឱ្យដឹងថា អ្នកបើកបររថយន្តក្រុមហ៊ុនស្រាបៀរ ពណ៌ក្រហម ពាក់ស្លាកលេខកំពង់ចាម 3A-0324 មានឈ្មោះ ធឿន បញ្ញាអាយុ២៦ឆ្នាំ រស់នៅខេត្តកំពង់ចាម។ មុនពេលកើតហេតុគេបាន បើករថយន្តដឹកស្រាបៀរ ពេញរថយន្តពីភ្នំពេញឆ្ពោះទៅ កាន់ខេត្តបាត់ដំបង។ លុះដល់ចំណុចកើតហេតុ បានបើកបុកគូទរ៉ឺម៉កសណ្តោង រថយន្តកាម៉ាស់១គ្រឿង ពាក់ស្លាកលេខ ស្វាយរៀង 3A-0743 ដឹកដែកពីភ្នំពេញ ទៅប៉ោយប៉ែត បើកបរដោយឈ្មោះរ៉ត ឡាយ អាយុ៣២ឆ្នាំ រស់នៅទឹកថ្លា ខេត្តបន្ទាយមានជ័យ៕

ផ្តល់សិទ្ធដោយ កោះសន្តិភាព