ភ្នំពេញ៖ បន្ទាប់ពីចេញនូវ បទចម្រៀងថ្មី ក្រោមចំណងជើងថា «ទឹកភ្នែកក្មេងពាល» ដែលទទួលបាន ការគាំទ្រ យ៉ាងច្រើនសន្ធឹក ពីសំណាក់មហាជន ជាពិសេសមិត្តៗ យុវវ័យ មិនបានប៉ុន្មានសប្តាហ៍ផង ខេម តារាចម្រៀងល្បី ជ្រកក្រោម ផលិតកម្ម ថោន បានសម្រេចចិត្ត បង្ហើរសំណៀង មួយបទនេះ នៅលើឆាកតន្ត្រី សម័យទំនើប របស់ស្ថានីយទូរទស្សន៍ MyTV ថ្មីៗនេះ។

ក្នុងនោះដែរ ខេម មិនត្រឹមតែ បានច្រៀងបទចម្រៀង មួយបទនេះ ដោយបញ្ចូលអារម្មណ៍ យ៉ាងជ្រាលជ្រៅនោះទេ ថែមទាំងបង្ហូរទឹកនេត្រា ឲ្យស៊ីនឹងអត្ថន័យនៃបទចម្រៀង ដែលបានលាតត្រដាង ពីការដឹងខុស ប៉ុន្តែបានត្រឹមសោកស្តាយ ដែលកូនមិនស្តាប់ដំបូន្មាន ឳពុកម្តាយ ធ្វើឲ្យអ្នកទាំងពីរ ស្រក់ទឹកភ្នែក មិនខិតខំរៀនសូត្រ បែរគេចសាលា និងសេពគ្រឿងញៀន រហូតដល់ អ្នកទាំងពីរ បានលាចាកលោកទៅ ទើបនឹកស្តាយក្រោយ បែរហួសពេលទៅហើយ។

គួរបញ្ជាក់ផងដែរថា បទចម្រៀងមួយបទនេះ កំពុងតែស្រូបទាញ ការគាំទ្រយ៉ាងខ្លាំង ពីសំណាក់មិត្តៗយុវវ័យ ដោយនៅតាមដងផ្លូវ តែងតែលឺគេចាក់ បទចម្រៀងនេះ ជាហូរហែ ខណៈអ្នកលេងហ្វេសប៊ុកវិញ ក៏សរសើរថា ពិរោះ និងមានន័យ គ្រប់ៗគ្នា៕

បើចង់ដឹងច្បាស់ មានតែទស្សនាវីដេអូ៖

បទចម្រៀងដើម៖

តើប្រិយមិត្តយល់យ៉ាងណាដែរ?

ប្រភព៖ MyTV

ដោយ RoMeo

ខ្មែរឡូត