ចិន៖ តារាសម្តែងស្រី Zhang Ziyi ស្រក់ទឹកភ្នែក នៅថ្ងៃខួបកំណើតរបស់នាង ដោយសារតែមិត្តប្រុស Wang Feng បានសុំនាង រៀបការ។

តារាសម្តែងវ័យ ៣៦ឆ្នាំរូបនេះមានការភ្ញាក់ផ្អើលជាពន់ពេក និងមិននឹកស្មានដល់ថា លោក Wang Feng ដែលជាតារាចម្រៀងរ៉ក វ័យ ៤៣ឆ្នាំ បានសុំនាង រៀបការ ចំថ្ងៃកំណើតនាង បែបនេះសោះ។ បន្ថែមពីនេះទៅទៀត ខណៈពេលលេងភ្លេង ដ៏រ៉ូម៉េនទិក ស្រាប់តែមាន កូនយន្តហោះបញ្ជាមួយ បានហោះចូល ក្នុងពិធីខួបកំណើត ដោយមានចិញ្ចៀនពេជ្រ នៅក្នុងនោះតែម្តង។ ភ្លាមៗនោះ លោក Wang Feng ក៏បានយកចិញ្ចៀន ហើយលត់ ជង្គង់សុំនាង Zhang Ziyi រៀបការ ចំណែក នាងក៏បានឆ្លើយថា "យល់ព្រម" ទាំងក្នុងបេះដូងរបស់នាង ស្ទើរតែផ្ទុះចេញមកក្រៅ ទៅហើយ ព្រោះតែ រំភើបពេក។

គួរបញ្ជាក់ផងដែរថា កាលពីខែវិច្ឆិកា Zhang Ziyi  បានប្រាប់ ទៅសារព័ត៌មាន Sin aថា ថ្ងៃរៀបការរបស់នាង នឹងមកដល់ពេលឆាប់ៗ នេះផងដែរ ព្រោះវ័យនាង មិននៅក្មេងទៀតទេ៕ ដូច្នេះប្រិយមិត្ត ដែលនិយមគាំទ្រ ការសម្តែងរបស់តារាស្រី ល្បីរូបនេះ នឹងរង់ចាំមើលថា តើនាងនឹងរៀបការ ក្នុងពេលណាដែរ?

តារាសម្តែងចិន នាង Zhang Ziyi

ប្រភព Lollipop

ដោយ៖ កា

ខ្មែរឡូត