ខេត្តបន្ទាយមានជ័យ ៖ បុរសម្នាក់បានស្លាប់ ដោយពុំទាន់ដឹងពី មូលហេតុពិតប្រាកដ កាលពីវេលាម៉ោង ជិត៣ទៀបភ្លឺ ឈានចូលថ្ងៃទី៨ កុម្ភៈ ២០១៥ បន្ទាប់ពីផឹកស្រាថ្នាំក្លែម សាច់ឆ្កែនៅហាងសាច់ពិសេស មួយកន្លែងក្នុងភូមិ សាមគ្គីមានជ័យ សង្កាត់ និងក្រុងប៉ោយប៉ែត។

ជនរងគ្រោះឈ្មោះបុណ្យ បូរិន្ទ អាយុ៤៥ឆ្នាំ ស្នាក់នៅបន្ទប់ជួលក្នុង ភូមិក្បាលស្ពាន០១ សង្កាត់កើតហេតុ។ ជនរងគ្រោះត្រូវគេសង្ស័យជាអ្នក យកព័ត៏មានឲ្យ កាសែតរាជសីហ៍ ព្រោះនៅនឹងខ្លួនសព សមត្ថកិច្ចរកឃើញប័ណ្ណសម្គាល់ ខ្លួនជាអ្នកយកព័ត៏មានឲ្យ កាសែតរាជសីហ៍ ហើយម៉ូតូដែលជនរងគ្រោះ ជិះក៏បំពាក់ស្លាក កាសែតរាជសីហ៍ដែរ។

សពត្រូវបានគេ តម្កល់នៅបន្ទប់ដាក់សពក្នុងមន្ទីរពេទ្យ បង្អែកក្រុងប៉ោយប៉ែតដើម្បីរង់ចាំជំនាញ បច្ចេក ទេសមកពិនិត្យ កោសល្យវិច័យ៕

ផ្តល់សិទ្ធដោយ កោះសន្តិភាព