រាជធានីភ្នំពេញ៖ បុរស២នាក់បានរងរបួស ខណៈពេលដែលជិះម៉ូតូ ចេញពីញ៉ាំការគេត្រូវរថយន្ត ហ៊ី យ៉ាន់ដាយបើកកៀរ បណ្តាលឲ្យដួល បោក ទៅនិងថ្មល់តែម្តងកាលវេលា ម៉ោង១២និង១០នាទី ឈានចូលថ្ងៃទី០៩ ខែកុម្ភៈ ឆ្នាំ២០១៥ តាមបណ្តោយ មហាវិថីសហព័ន្ឋរុស្ស៊ី ក្នុងសង្កាត់ទឹកថ្លា ខណ្ឌសែនសុខ នៅជិតវត្តទឹកថ្លា ។

តាមសេចក្តីរាយការណ៍ របស់ភ្នាក់ងារ កោះសន្តិភាពបាន ឲ្យដឹងថាបុរស ២នាក់បានចេញ ពីញ៉ាំការគេជិះម៉ូតូម៉ាក់PCXធ្វើ ដំណើរតាមបណ្តោយ មហាវិថីសហព័ន្ឋរុស្ស៊ី ក្នុងទិសដៅពីកើតទៅលិច ក្នុងល្បឿន លឿន ស្រាប់តែមកដល់ចំណុច កើតហេតុខាងលើ បានព្យាយាម បើកវ៉ារថយន្តហ៊ីយ៉ាន់ដាយ១គ្រឿង ។ខណៈនោះរថយន្តហ៊ីយ៉ាន់ដាយបានធ្វើដំណើរស្របគ្នា បានកៀរម៉ូតូជនរងគ្រោះ បណ្តាលឲ្យដួល បោកទៅនិងថ្មល់រងរបួសធ្ងន់ម្នាក់ ស្រាលម្នាក់ ។

ក្រោយកើតហេតុ រថយន្តបង្កបានបន្ថែមល្បឿន បើករត់គេចបាត់ស្រមោល ។ ចំណែកបុរសរងរបួសត្រូវបាន រថយន្តសាមុយដឹកយកទៅសង្គ្រោះនៅមន្ទីរពេទ្យ ។ រីឯម៉ូតូត្រូវបានសមត្ថកិច្ច ប៉ូលិសប៉ុស្តិ៍ទឹកថ្លារក្សាទុកឲ្យ ៕

ផ្តល់សិទ្ធដោយ កោះសន្តិភាព