ចិន៖ នារីម្នាក់រស់នៅទីក្រុង Zhengzhou ស្ថិតក្នុងខេត្ត Henan បានសារភាពសុំស្នេហ៍ បុរសជាអ្នក បើកបររថយន្តក្រុង ក្រោយ ពេលដែលនាង បានឃើញបុរសនោះ លើកដំបូង កាលពី ៦ខែមុន នេះបើតាម សារព័ត៌មាន ក្នុងតំបន់បានផ្សាយ កាលពីពេលកន្លងទៅ។

នាង Song Xin សារភាពសុំស្នេហ៍អ្នកបើកឡានក្រុងបន្ទាប់ ពីជួបគ្នាដំបូងបានម្តងកាលពី៦ខែមុន

Song Xin អាយុ ២៤ ឆ្នាំបានប្រាប់ថាកាល ពីកន្លះឆ្នាំមុន នាងបានរត់តាម ដើម្បីឡើងជិះរថយន្តក្រុង ដែលបើកបរ ដោយលោក Chang Zhentao ហើយលោក Chang ក៏បានឈប់ឡាន ឲ្យនាងចូល។ Song បានបន្តថា នៅពេលនោះហើយ ដែលនាងចាប់ផ្តើម មានចិត្តលើលោក Chang។

ដោយប្រាថ្នាចង់ជួបបុរស ដែលជាអ្នកបើកបរឡាន ក្រុងនោះម្តងទៀត Song ក៏បានសរសេរ សារមួយ បង្ហោះនៅលើ បណ្តាញអ៊ីនធើណិត តែមិនទទួលបាន លទ្ធផលនោះទេ ទើបតែ ពេលដែល នាងឃើញ លោក Chang នៅក្នុងទូរទស្សន៍ នៅលើឡានក្រុង នាងក៏បាន ទៅស្ថានីយ រថយន្ត ក្រុងស្វែងរក Chang ហើយសារភាព សុំស្នេហ៍ នៅទីសាធារណៈ តែម្តង។ លោក Chang បាននិយាយថា គាត់មាននារី ដែលខំស្វែងរក គាត់ជាងកន្លះឆ្នាំ គាត់ពិតជា រីករាយនឹងការ ធ្វើឲ្យទំនាក់ទំនង ពួកគេទាំងពីរ កាន់តែស្និទ្ធ ស្នាល ថែមទៀត៕

ប្រភព៖ បរទេស

ដោយ៖ Roth

ខ្មែរឡូត